كشف نجم الجيل تامر حسنى عن أحدث أفلامه الذى بدأ تصويرها ويحمل اسم "بحبك" ويشاركه بالفيلم عدد من الفنانين منهم الفنانة هنا الزهد، والفنان حمدى الميرغنى، والفنان مدحت إسماعيل وغيرهم.
ونشر النجم تامر حسنى صور من أول يومين تصوير لفيلمه الجديد والتى تجمعه بالفنان هنا الزاهد على حسابه الشخصى بموقع تبادل الصور والفيديوهات "انستجرام"، وعلق قائلا: "دي صور من اول يومين تصوير لفيلمنا الجديد (بحبك) طبعاً في ناس هتقرا اسم الفيلم بحبِك وناس هتقراه بحبَك دا طبعاً مقصود عشان في درامة الفيلم هنبحث طول الوقت عن مدى صدق كلمة بحبِك من الرجل للأنثى وبحبَك من الأنثي للرجل في احداث فعلاً محيره جداً".
وتابع تامر حسنى: "الفيلم أكيد فيه ضحك بس في إطار رومانسي بحت مش موجود بقاله كتير، واتشرفت بمشاركة نجمة اليوم والمستقبل الجميلة هنا الزاهد ومبسوط اني اول من اكتشفها في بداية حياتها وفي الفيلم ده بكتشفها تاني و بقدمها بشكل جديد عليها وعليكم".
وأضاف تامر حسنى: "ومبسوط جداً لمشاركة حبيب قلبي نجم الكوميديا الكبير حمدي المرغني اللي هيعمل ان شاء الله شغل رهيب في الفيلم كعادته الجميله وللأسف لسه مصورش علشان انزل صورة بس في أول يوم تصوير له ههريه صور".
واستكمل تامر حسنى: "انتظروا بعد ايام انضمام نجمة جميلة مميزة من نجوم المستقبل اللي هيكون ليها مستقبل كبير ان شاء الله، وفرحان جداً بانضمام الفنان الموهوب اوي مدحت إسماعيل اللي عامل دور زي العسل و ربنا يكتبله فيه كل النجاح و يكرمه ويكرمنا معاه، مختتما حديثه: الفيلم من انتاج حبايب قلبي وأصدقاء العمر سينرچي أحمد بدوي، تي ايتش برودكشن حسام حسني، سكاي ليميت أحمد الدسوقي
