اعتذر محمد إمام لجمهوره بسبب كثرة الإعلانات في مسلسله الجديد «لمعي القط» عبر صفحته الشخصية على موقع التواصل الاجتماعي «فيس بوك».
وكتب إمام: «أنا عارف إن فيه ناس كتير متضايقة من كمية الإعلانات اللي بتيجي وقت حلقة لمعي القط وخصوصًا أنها أكتر من كل البرامج والمسلسلات التانية».
وأضاف: «كنت حابب أوضح إن الإعلانات دي دليل على النجاح الكبييير واستقبالكم العظيم للمسلسل الحمدلله.. والله أنا أكتر واحد نفسي أشوف الحلقة على بعضها، بس في نفس الوقت، مدة فقرة الإعلانات دي بتبقى مبنية على نسبة مشاهدة المسلسل واحنا الحمدلله فقرة الإعلانات بتاعتنا أكتر من وقت الحلقة نفسها بنحو مرتين».
وتابع: «معلش، عندي أنا دي نستحمل شوية وخصوصًا إن الحلقات اللي جاية مليانة أحداث ومفاجآت كتيرة أنا متأكد إنكم هتفرحوا للنجاح العظيم للمسلسل لأن ده بسببكم أنتم بعد كرم وفضل ربنا سبحانه وتعالي».
واختتم: «على العموم الحلقة بتتعاد كذا مره في اليوم.. وكلهم فيهم إعلانات كتيرة برضه.. الحمدلله كثيرا لمعي_القط محمد إمام أعلى_نسبة مشاهدة رمضان ٢٠١٧ تقرير إبسوس احنا بتوع الشارع والناس الحلوة اللي فيه».
