إيمي سمير غانم وحسن الرداد انجبا ابنهما الأول في إحدى المستشفيات بمنطقة الشيخ زايد، وما زالت إيمي حاليا في المستشفى، وتصادف أنها انجبت ابنها في نفس يوم عيد ميلاد حسن رداد.
ايمي سمير غانم تنجب ابنها الأول
وأكد مصدر مقرب أن الزوجين حسن الرداد و إيمي سمير غانم انجبا ابنهما الأول، وأنهما يتكتمان على الخبر حاليا، ولم يعلناه سوى لبعض المقربين من العائلة والوسط الفني.
ورغم تكتم ايمي وحسن الرداد على انباء انجاب ابنهما الأول، تسربت بعض الأخبار إلى محبيهما وانهالت عليهما التهاني عبر مواقع التواصل الاجتماعي.
حفل زفاف ايمي سمير غانم وحسن الرداد
ايمي سمير غانم تهني زوجها
وهنأت إيمي سمير غانم، زوجها الفنان حسن الرداد أمس الاثنين بعيد ميلاده الذى يوافق الاثنين 2 يناير، وذلك عبر حسابها الشخصي بموقع تبادل الصور والفيديوهات إنستجرام.
وكتب إيمى سمير غانم: كل سنة وأنت طيب يا أحلي وأجمل حسن، مهما كتبت عنك مش هقدر الاقي كلام يوصف ما شاء الله حبي ليك ربنا يحفظك وينجحك وتعمل كل اللي نفسك فيه".
ايمي سمير غانم و حسن الرداد
حسن الرداد وموقف طريف مع إيمي سمير غانم
وسبق أن حكي حسن الرداد موقفا كوميديا مع زوجته الفنانة إيمي سمير غانم في برنامج "صاحبة السعادة" قائلا: "أنا طول عمرى ما بحبش الحيوان اللى حركته سريعة، وتاريخي مع القطط والكلاب زي الزفت، يعني كنت أنزل أجيب حاجة من الشارع ألاقى كلاب بتجري ورايا، فطلعت بخاف من الكلاب وبعتبره عدو للإنسان، أما القطط أبقى في مكان ألاقى قطة ترعبنى فجأة، وأروح أي مكان ألاقى القطة تسيب الناس وتقعد جنبى".
وتابع حسن الرداد: "ولكن لما اتجوزت إيمي شفت الكلاب قد إيه بيعتبرها اللى بيربيها واحد من عياله، زي ما شفت إيمي عاملة مع الكلاب والقطط، وبتأكلهم طول الوقت، وبعدها في مرة إيمي قالت لى واحنا قاعدين عارف يا حسن أنا بقيت بحبك قد الكلاب، فقلت لها ده مدح ولا ذم، قالتلى مدح طبعا، ده أنا كنت بقول لبابا كده إن هو والكلاب أكتر حاجة بحبها في حياتى".