صور الراحل أشرف مصيلحي مع ابنه يوسف.. هكذا تحدث عنه

ودع يوسف مصيلحي ابن الفنان الراحل أشرف مصيلحي والدته بكلمات مؤثرة، إذ نشر صورا كثيرة تجمعهما معا بمراحل عمرية مختلفة، وذلك عبر حسابه بموقع انستجرام.

اشرف مصيلحي وابنه يوسف مصيلحي 

وكتب يوسف مصيلحي: الله يرحمك يا اطيب و اجدع و احن اب في الدنيا و كان نفسي تكون موجود و شايف حب الناس و روحك الحلوه الموجوده في كل حد فينا و تشوف الناس كلها بتقول عليك ايه من اصغر واحد لحد اكبر واحد و انا فعلًا مش فاكر و لو مره واحده انت عملت حاجه ضايقتني او حتى شدينا مع بعض زي اي اب و ابنه و ده عشان احنا كنا صحاب و كنت بتفهمني و عارف دماغي .

اشرف مصيلحي وابنه يوسف مصيلحي 

وأضاف يوسف مصيلحي في وداع والده أشرف مصيلحي: انا عارف انك دلوقتي مرتاح اكتر بكتير و اكيد مبسوط و انت شايفنا كلنا متجمعين و حاسس اكيد بكل المحبه الكانو موجودين اليومين دول و هيفضلو موجودين علطول و دلوقتي انا هعرف اتكلم معاك و عارف انك هتسمعني يمكن اكتر من اخر فترة كنت موجود وسطنا عشان كنت تعبان فا مش بعرف اتكلم معاك بس انا عايزك تعرف اني بحبك اوي و هفضل شايل اسمك و انا فخور انك ابويا لحد لما اجيلك انشاءالله. بجد بحبك اوي يا بابا و عارف انك اكيد في الجنة انشاءالله

اشرف مصيلحي وابنه يوسف مصيلحي 

اشرف مصيلحي وابنه يوسف مصيلحي 

اشرف مصيلحي وابنه يوسف مصيلحي 

وأقيم أمس عزاء الفنان أشرف مصيلحي بحضور عدد كبير من مشاهير الفن.