أعلن النجم سعد الصغير دعمه فلسطين حيث نشر على صفحة التواصل الاجتماعى الفيس بوك فيديو وعلق قائلا : أنا واقف من امام قبر والدتى وأتكلم من كل قلبى، وأناشد نقيب الموسيقيين الفنان مصطفى كامل التبرع من إيرادات المطربين لصالح عشب فلسطين وغزة نتيجة مايحدث هناك وضياع عدد من الضحايا .
وأضاف إحنا كلنا مع فلسطين بس إحنا ليه بنتكلم بس ومش بنعمل فعل، أنا بناشد بنقابة المهن الموسيقية برئاسة النقيب مصطفى كامل، عايزين إيراد يوم واحد من الفنانين كلهم يروح لفلسطين ، أنا بدفع فى اليوم للنقابة 1300 جنية ممكن أدفع أكتر وناخد الباقى لصالح فلسطين .
وأشار في كلامه : مش عايزين هتافات لفلسطين بس، عايزين أفعال إخواننا في فلسطين محتاجين دم، وقاعدين في الشارع من غير لبس، ويجب أن نوفر لهم بعد المستلزمات مثل الفرش .
وتابع الصغير : اناشد الإعلاميين زى عمرو أديب وشوبير وعمرو الليثى وغيرهم أعملوا تبرعات من النهاردة زي ما حضرتك كنت بتتبرع وتقول تحيا مصر يلا نعمل كده، وطبعا الحاجات دي مش هينفع تجمعها وزارة التضامن ولكن ممكن أن ترسل مندوب لجمع التبرعات من البرامج والفنانين .
وقال سعد الصغير : بشكر القدوة محمد صلاح وبقوله سيبك من كلام الناس، هو في منطقته يساهم في زواج الفتيات، وعامل معهد ديني ومدرسة، متجيش عليه علشان أنت مش عارف اللي جواه ده، فيه رؤساء دول مش عارفين يتكلموا
