أحمد مراد يكشف سرا للمرة الأولى عن موسم صيد الغزلان.. ماذا رأي في الحلم؟

انتهى السيناريست أحمد مراد من كتابة السيناريو لـ روايته الشهيرة موسم صيد الغزلان، لتحويلها إلى فيلم سينمائي.

وقال الكاتب أحمد مراد إنهم حاليا في مرحلة التحضير لإنتاج فيلم موسم صيد الغزلان، موضحا أثناء حلوله ضيفا على الإعلامية منى الشاذلي في برنامج "معكم" على قناة ON: "ذا الفيلم إنتاجه صعب، لسه متحددش بطولة مين.. في إشاعات كتير حوالين الموضوع ده بس فعلا لم يتحدد لسه مين الأبطال".

رواية موسم صيد الغزلان
 

وأوضح أحمد مراد أن فكرة الرواية بدأت بحلم غريب شاهده بالفعل حين كان في الساحل الشمالي، قائلا: "كنت جاليا على البحر الساعة 12 بالليل، حاطط كرسي على المياة والقمر مكتمل.. نفس المشهد الأول في الرواية حرفيا.. والموج بيضرب في رجلي".

قصة موسم صيد الغزلان
 

تابع: "رجعت البيت نمت فحلمت بالحلم الموجود جوا الرواية اللي هو أنا واقف وببص في المية لقيت واحدة في المية شعرها بيتحرك وبدأت تبص لي فنطيت وبدأت أكسر في المية لحد ما نزلت لها وقربت منها.. وفجأة صحيت.. قمت كتبت الحلم فورا عشان منساش، ومن هنا بدلت فكرة الرواية".