توفي الفنان أحمد راتب في مثل هذا اليوم 14 ديسمبر، منذ 7 سنوات، تاركا خلفه العديد من الأعمال الفنية والشخصيات التي جسدها ببراعة سواء على خشبة المسرح أو السينما أو الدراما التليفزيونية.
لميا راتب ابنة الفنان أحمد راتب، حرصت على إحياء ذكرى رحيله بعبارات مؤثرة عبر رسالة نشرتها بحسابها بتطبيق Facebook وقالت فيها : لما بيسيبك حبيب و واحدة واحدة تبدأ تستوعب بتلاقي نفسك بتسأل يعني خلاص كدة؟ خلاص بجد؟ طيب مفيش حتة أمل صغيرة إنك ترجع؟ طيب ما انت لسة جوايا..لسة صوتك في ودني و شكلك محفور في قلبي..هودي كل دة فين؟ ازاي كل اللي بينا دة مبقاش ليه اي ترجمة في الواقع؟ إزاي اختفيت كدة من كل حاجة؟ هفضل مع الحاجات اللي جوايا دي لوحدي ازاي؟
.jpg "احمد راتب (1)")
احمد راتب
رسالة ابنة احمد راتب إلى والدها
وأضافت لميا راتب ابنة احمد راتب: في كتير بيقولوا انك لسة حاسس بيا و شايفني، طيب شوفتني و أنا بعيط من شوقي ليك؟ شوفتني وأنا بموت كل يوم على وش الدنيا؟ حسيت برعشة قلبي كل لما أشوف صورتك؟ وصل لك عجزي لما بضعف و مش بلاقيك؟
طيب لما بنادي عليك بالليل بالدعاء بتسمعني؟ يعني انت عارف غيابك عمل فيا ايه؟
أنا بعترف إني عايشة بصدمة من يوم ما أبويا سابني..بتوع الطب بيسموها trauma
بس أنا بسميها كسرة بسميها عجز بسميها شوق ملوش مكان يروحه بسميها ذكريات بتدبح الروح
أنا عايشة و طول الوقت في الخلفية موجود احساسي بالخسارة و النقصان و قلة الحيلة
انا بقالي ٧ سنين بصحى كل يوم متجدد عندي وجع انك مش موجود
طيب ما أنا نفسي أحضنك قوي يا بابا و محدش عارف يحضنني زيك ..
إدعي لي من عندك يا حاج ..السنين بتمر و روحي بتشيب من غيرك
.jpg "احمد راتب (2)")
احمد راتب (2)
أفلام أحمد راتب
يشار إلى أن أحمد راتب ولد عام 1949 في حي السيدة زينب بالقاهرة، وحصل على بكالوريوس المعهد العالي للفنون المسرحية، ومن أعماله المميزة دور "السحت" في مسلسل المال والبنون، و"الكحيت" في مسلسل ناس وناس، و"شلبي" في فيلم الإرهاب والكباب، و"إيزاك" في مسلسل "رأفت الهجان"، وغيرها من الأعمال.