عادل الفار يحكي عن وفاة ابنه: كنت زعلان منه وندمت علشان قولت انه مدمن

تعرض الفنان والمونولجيست عادل الفار لموقف صعب في حياته مع وفاة ابنه الوحيد شادي، الذي رحل عن عالمنا يوم 10 فبراير عام 2022، إذ حكي عادل الفار عن مشاعره هذه الفترة وقرار ندم عليه.

قال عادل الفار خلال حلوله ضيفاً على الإعلامي عمرو الليثي في برنامج واحد من الناس المذاع علي قناة الحياة عن وفاة ابنه: كان  خبر مؤلم جدا، ابني تعب أوي وأنا كنت قاعد في القهوة مع أصحابي والمدام خدته وراحت المستشفى وهو مكنش عايز يروح في الأول، وأنا كنت متغاظ منه وزعلان الفترة دي لأنه كان بيشرب سجاير كتير ومكنش بيسمع كلامي.

 وأضاف عادل الفار: لما عرفت أن والدته راحت بيه المستشفى روحتلهم، وشوفته جاي من بعيد ومقعدينه على العجلة اللي بتتجر، وكنت متضايق منه في اليوم ده، المهم شوفته وتاني يوم عرفت إنه مات وكانت حاجة صعبة.

عادل الفار وابنه شادي

وفاة ابن عادل الفار
 

 وتأثر عادل الفار بشكل كبير عند إعادة تذكر تفاصيل وفاة ابنه، وكاد أن يبكي عندما قال: مش عارف أقول ايه، ولا اقدر اوصف مشاعري، فكرة أني مسلمتش عليه قبل ما يموت علشان كنت زعلان منه، حاجة صعبة، واتأثرت جدا لأنه كان حبيبي وغالي وغاوي فن".

عادل الفار 

سبب وفاة ابن عادل الفار
 

وحول اتهامه وقتها للمستشفى بالاهمال الطبي، قال عادل الفار: لا المستشفى اللي راح فيها محلقش، لأنه مات تاني يوم، وكنت سايب المساعد بتاعي في المسشتفى علشان يشوف طلبات ابني، ولاقيته بيكلمني يقولي لي "تعيش انت"، روحت جري على المستشفى، ودخلت الاوضة لاقيتهم مغطين وشه، وشيلت الغطا، وشوفته ودي كانت اخر صورة شوفتها عليها، ومش قادر انسى المشهد ده، وكل ما افتكره وييجي على بالي ببقى عايز اعيط، فهو ابن الوحيد، وببنتي دلوقتي ما شاء الله اتجوزت وسافرت أمريكا.

عادل الفار 

عادل الفار: ارتحت بعد وفاة ابني وكان مدمن
 

وواجه عمرو الليثي ضيفه عادل الفار بسؤاله: لكنك قولت بعد وفاة ابنك انك وعائلتك ارتحتوا بعد رحيله.. لماذا؟ ليرد عادل الفار:  مش ارتحت اللي هو انا مبسوط، لا ارتحت لأنه استراح، وندمت على أني قولت انه كان مدمن مخدرات وزعلت، لكن هو فعلا كان داخل في المخدرات الله يرحمه ويسامحه، ومكنتش عارف اسيطر عليه، وكان عمره 34 سنة، ومتخرج من الجامعة.