عبر تامر حبيب عن سعادته ب عرض فيلم حب البنات بإحدى السينمات أمس الأربعاء بمناسبة عيد الحب، وعودة الفيلم إلى قاعة السينما بعد عرضه للمرة الأولى عام 2004، إذ يمر على عرض حب البنات نحو 20 عاما.
تامر حبيب و حب البنات
احتفاء كبير ب فيلم حب البنات من الجمهور الذي حضر عرضه في السينما أمس، وحرص كذلك على الحضور السيناريست تامر حبيب الذي عقد ندوة مع الحاضرين تحدث فيها عن تفاصيل الفيلم وأهم المشاهد فيه ومشاعره معه، وأيضا عن أرائه في السينما الرومانسية والكثير من الموضوعات الأخرى.
فيلم حب البنات
وكتب تامر حبيب عبر حسابه بتطبيق Facebook: لسة راجع من سينما زاوية المحببة لقلوب كل اللي بيحبوا السينما… كانوا عاملين عرض لفيلم حب البنات بمناسبة عيد الحب و مشكورين جداً طلبوا مني اروح احضر الفيلم و عملولي لقاء مع الجمهور بعد الفيلم ما خلص… و الجمهور اللي كان مالي كل كراسي القاعة و مافيش كرسي فاضي كانت طبعاً أغلبيتهم العظمي من البنات و يمكن ٩٠٪ منهم كانوا اطفال او لسة ماتولدوش لما الفيلم اتعرض اول مرة في ٢٠٠٤… أنا راجع من العرض ده طاير من السعادة و البهجة و حاسس بنشوة لا تضاهيها نشوة… الشباب كانوا بيسمعوا الحوار مع الفيلم و هو شغال، و كانوا بيصفقوا مع ظهور الممثلين كأننا في مسرح… و بيغنوا و يرقصوا مع كل كلمة في كل اغنية في الفيلم… وفاجئوني بتصفيق مدوي بعد الفيلم ما خلص كأنهم كانوا في مسرحية لعادل امام…. مهما وصفت، مش هاقدر اعبر عن شعوري اللي حسيته من اول الفيلم ما بدأ لغاية دلوقتي حالاً… و روح و بهجة و طاقة الشباب و هما بيحاوروني بعد الفيلم كانوا مخليني عايز اسجد شكراً لربنا علي انه انعم. عليا النهاردة بإحساس ماحستوش من زمااااان…. أنا كنت قاعد وسط مجموعة من الشباب فاتحين عليا هويس حب و بهجة بجد ماتتوصفش…. شكراً جداً لكل واحدة و واحد خلوني احس بسيل المشاعر ده، و شكراً لصاحبة فكرة عرض الفيلم النهاردة من اسرة سينما زاوية، و في عيد الحب بعد عشرين سنة من عرضه… و شكراً يا سينما انك عندك كل هذا السحر… و شكراً يا امي علي دعائك ليا ان ربنا يحبب فيا خلقه، و احب اطمنك يا ماما ان ربنا استجابلك من وسع… و الف شكر و حمد ليك يا رب
تامر حبيب
قصة حب البنات
تدور أحداث فيلم حب البنات حول 3 أخوات بنات، يفاجئن بأن وصية والدهن تقضي ألا يحصلن على الميراث سوى بعد أن يعيشن مع بعضهن لمدة عام كامل في شقة واحدة، والشقيقات هن ندى وتجسد دورها ليلي علوي وتمتاز برقة المشاعر، غادة او حنان ترك معيدة بالجامعة وتكره الرجال، ورقية أو هنا شيحة فلديها أفكار مختلفة بحكم عيشها في إنجلترا.
ويشارك في بطولة فيلم حب البنات اشرف عبد الباقي، خالد ابو النجا، احمد عز، احمد برادة، سوسن بدر، عبدالرحمن ابو زهرة، سيناريو وحوار تامر حبيب، واخراج خالد الحجر.