شهدت الحلقة السادسة والعشرين من مسلسل الحشاشين، العديد من الأحداث المهمة، وخلال الحلقة برز أجمل 3 مشاهد وهى مشهد حديث حسن الصباح وبدر البدور، ومشهد زواج يحيى ونورهان ومشهد دنيا زاد مع زوجة السلطان باركياروق.
المشهد الأول حديث حسن الصباح مع زوجته بدر البدور بنت أحد الرعاة ويريد منها ولدًا قويًا، وأن دنيا زاد زوجته وحبيبته وهى فقط أم الصبى.
وقال لها: "أنا حسن اللى مشى طريق طويل عشان يحقق حلمه اللى خسره أغلى الناس ابنه وزوجته وأصحابه وبرده لسه ماشى وراه"، لترد عليه: " بس الحلم اللى يخسرك كل حبايبك يبقى مش حلم ده كابوس".
والمشهد الثانى، حديث دنيا زاد مع زوجة السلطان باركياروق وتريد الذهاب إلى منزلها للتحدث إلى العوام بشأن زوجها وإخبارهم أنه بمثابة شيطان لتحذرهم منه وقالت لها: "أنا صدقت حسن الصباح أكثر ما صدقت نفسي، بقى هو مذهبي وديني، ولما شفت الحقيقة عرفت أنه بيعبد نفسه، وأن مذهبه هو مذهب الصباح.. أنا اللي الشيطان علمني الإيمان، وده وقتى وقت ظهوري للناس وكلامي ليهم وإنقاذ أرواحهم من الضلال".
والمشهد الثالث زواج يحيى ابن المؤذن من حبيبته نورهان، بعد كل الصعوبات التي واجهتهما داخل قلعة آلموت، ومواجه الموت أكثر من مرة حتى تحافظ على نفسها داخل أسوار قلعة آلموت.
وقال يحيى لها: "عارف أنه غصب عنك كان لازم تكوني حور عين في حلم الجنة.. أنت شرف توب أبيض مفيش شيء ممكن يدنسه.. أنت أبويا وأمي روحهم ردت في نظرتك عشان تكمل فرحتى" لترد عليه نورهان: "أنا تعبت سنين كتير أوي وشوفت الموت أكثر من مرة عشان أفضل حرة وكنت متأكدة أنك راجع".
مسلسل الحشاشين من بطولة كريم عبد العزيز، فتحى عبد الوهاب، نيقولا معوض، ميرنا نور الدين، أحمد عيد، إسلام جمال، محمد رضوان، سامى الشيخ، عمر الشناوى، نور إيهاب، سوزان نجم الدين، ياسر علي ماهر، بسنت أبو باشا وعدد كبير من الفنانين، وضيوف الشرف، وهو من تأليف عبد الرحيم كمال، وإخراج بيتر ميمى، وإنتاج شركة سينرجى.