تعرضت الفنانة راندا البحيرى للنصب من أحد المنتجعات السكانية التى استغلت اسمها فى الدعاية لمنتجها، وبعد انتهاء الدعاية لم تعطيها حقها كاملاً، وأكدت أنها لا تعلم من الذى نصب عليها، الوسيط بينها وبين الشركة أو الشركة نفسها.
وكتبت «راندا» عبر حسابها الشخصى بموقع تبادل الصور والفيديوهات «إنستجرام»، قائلاً «عملوا من فتره قصيره event كبير جدا. وطلبوا من جنات إنها تحيى الحفله وإنى اكون موجوده ك ضيفه شرف للحفله. وأكيد فيه مقابل مادى ل ده. انا سبت شغلى وكان سفرر وبيتى ونزلت اعمل لهم دعايه لمنتجهم. وفهمت كويس عن المشروع واتكلمت عنه فى اكتر من محطه تليفزيونيه واستغلونى فى جميع دعاياتهم واستغلوا وجودى واسمى وبعد ما الشغل خلص. اختفوا و مدوليش حقى المتفق عليه. عايزه اعرف. هل الوسيط اللى بينى وبينهم هو السبب وهو اللى نصب عليّ. ولا هم شخصيا. لانهم لو عملوا حركه زى كده و نصبوا على ممثله ليها اسمها. يبقى هيعملوا ايه فى الزباين اللى هيسلموهم شققهم المفروض؟؟؟؟ عموما انا منزله البوست ده علشان عايزه اعرف هل الوسيط هو اللى سرقني. و لا هم شخصيا. و مستنيه رد منهم. لان مفيش حد فيهم بيرد على تليفونه. وإن شاء الله خير».
