قالت الفنانة ياسمين عبد العزيز عن عودتها لزوجها السابق أحمد العوضي: "أنا عن نفسى عملت استخارة وعملت عمرة ودعيت ربنا واللى ربنا عايزه هيكون، فيه حاجات بتاعة ربنا".
جاء ذلك ردا على سؤال للاعلامية إسعاد يونس خلال حلول ياسمين عبد العزيز ضيفة على برنامج صاحبة السعادة الذي يعرض على قناة Dmc.
وتابعت ياسمين عبد العزيز: "أنا بسيب الحاجة على ربنا واللى عايزه يمشيني في أي سكة أنا بكون راضية حتى لو مش على رغبتى".
اقرأ أيضا
وقالت ياسمين عبد العزيز عن علاقتها بالفنان أحمد العوضي: "أنا مع أحمد لما حبيته اكتشفت إن أنا ما كنتش بحب قبل كده".
وأضافت ياسمين عبد العزيز: "يعنى الحب اللى قبل كده أنا ما حبيتش، وإن أحمد أول حب في حياتى وهو الحب الحقيقى".
أما عن علاقتها بطليقها أحمد العوضي بكت ياسمين عبد العزيز قائلة: "أنا مش بحب أحمد أنا بعشقه"، لتعاتب إسعاد يونس: انتى جايبانى عشان أعيط وبتضحكى عليا بحاجات بتوجعنى ومش عارفة أنا بقيت رقيقة كده ليه ما كنتش كده والله".
اخبار ياسمين عبد العزيز
وكان آخر أعمال ياسمين عبد العزيز الفنية مسلسل "ضرب نار" الذى تم عرضه فى شهر رمضان قبل الماضى 2023، والعمل من تأليف ناصر عبد الرحمن وإخراج مصطفى فكرى وإنتاج شركة سينرجى وبطولة ياسمين عبد العزيز، أحمد العوضى، ماجد المصرى، هدى الإتربى، سهير المرشدى، دنيا المصرى، إسراء رخا، أحمد غزى، إيمان السيد، بدرية طلبة، أحمد عبد الله، زينة منصور، تيسير عبد العزيز، تامر مجدى وآخرين.