أبدى المخرج محمد جمال العدل دهشته عن سبب تأجيل عرض فيلم الملحد بطولة أحمد حاتم وإنتاج أحمد السبكي، رغم صدور موافقة من جهاز الرقابة على المصنفات الفنية.
وكتب مخرج فيلم الملحد عبر حسابه بموقع فيس بوك: بعتذر لكل اصدقائي اللي عزمتهم علي العرض الخاص لفيلم الملحد .. العرض مش هيتعمل في ميعاده.. و الفيلم مش هينزل في ميعاده .. و الحقيقة معرفش ليه … الاجابة عند السيد الرقيب علي المصنفات الفنية … الفيلم جاهز للعرض .. و انتهت جميع مراحله من مونتاج و مكساج و تصحيح الوان و الرقابه اديتله ترخيص بالعرض بعد شهور من المشاهدات .. بل وصل الامر اني نزلت صورت مشهد مضاف و المنتج احمد السبكي صرف كتير علي دعاية الفيلم في الشوارع بناءا علي هذا الترخيص ..و رجع شال الدعاية تاني للاسف و دي خسارة فادحة.
455650392_7740767059385557_6800160288689172452_n
منع فيلم الملحد
وأضاف محمد جمال العدل: ده ينفي تماما الهراء بتاع اصل الصناع بيعملوا دعاية رخيصة للفيلم … و مرفق مع البوست صورة الترخيص و صورة اجازة الرقابه للسيناريو .. اللي لاول مرة الرقابه تكتب في الورقة الاخيرة للسيناريو ما يشبه الشكر و التوضيح .. و ده نص ما كتب علي الورقة الأخيرة( الفيلم لا يشوه الدين الاسلامي قط بل يكشف الحجاب عن بعض الذين يفسرون الاسلام علي اهوائهم )
وختم مخرج فيلم الملحد كلامه مؤكدا: الفكرة هتوصل هتوصل بإذن الله عاجلا او اجلا.
صابرين في فيلم الملحد
أبطال فيلم الملحد
يشارك في بطولة فيلم الملحد إلى جانب أحمد حاتم النجوم، محمود حميدة وصابرين وشيرين رضا، نجلاء بدر وعدد كبير من الفنانين، الفيلم تأليف إبراهيم عيسى موسيقى تصويرية راجح داوود وإخراج ماندو العدل.
مشهد من فيلم الملحد
قصة فيلم الملحد
ويحكي فيلم الملحد فى إطار درامي، وتتناول قصته قضية التطرف الديني والإلحاد التي تصيب الشباب وتنتشر بينهم، وتأثير انتشار مثل هذه الظواهر على الأفراد والمجتمع.