تصدر اسم الفنانة سمية الخشاب ترند مواقع التواصل الاجتماعي خلال الساعات الماضية، بعد ظهورها في مقابلة تليفزيونية أدلت فيها بعدد من التصريحات اللافتة، أبرزها تأكيدها أنها "تثير التفاعل حتى وهي بتكح"، في إشارة ساخرة لعدم تأثرها بالانتقادات.
وقالت سمية الخشاب خلال اللقاء: أنا بكح بطلع ترند، مش فاضية للانتقادات ولا بتضايق منها، ومش مستنية تتر عشان يتكتب فيه اسمي"، مضيفة في البرومو الترويجي للحلقة: "أنا أيقونة ونص... وكفاية بقى زهقتني في عشتي".
سمية الخشاب تطرقت أيضًا إلى الشائعات المتكررة حول ارتباطها، مؤكدة أنها غير صحيحة، وأنها تعيش حاليًا في ما وصفته بـ"المرحلة الملكية" من السلام النفسي والراحة.
وعن فكرة الزواج مجددًا، أوضحت: "بيطلعوا عليا دايمًا إني اتجوزت، بس أنا مش حابة الخطوة دي حاليًا، ومبسوطة بالسلام اللي عايشة فيه".
أما عن مواصفات شريك حياتها المستقبلي، فقد شددت على أنه يجب أن يكون "راجل بجد"، قائلة: "خصوصًا وقت الأزمات، مش يسيب ويمشي... بس للأسف النوعية دي بقت قليلة".
تصريحات سمية الخشاب أثارت موجة من التفاعل بين رواد السوشيال ميديا، بين مؤيد لطريقتها الصريحة، وبين من انتقد أسلوبها المثير للجدل، لكنها كعادتها تجاهلت الانتقادات وواصلت تصدر المشهد.
