أعربت سارة درزاوى نجمة فرقة «مسرح مصر»، عن سعادتها بمشاهدة فيلم «هروب اضطرارى» المعروض حاليا فى دور السينما.
ونشرت سارة عبر حسابها على موقع تبادل الصور والفيديوهات انتسجرام صورة للبوستر الدعائى الخاص بالفيلم، وعلقت عليها قائلة:« هروب اضطرارى مش عارفة اقول ايه .. بس فرحتي بالفيلم كبيرة اوي .. خصوصا لما تكون عارف كتير من كواليس مشوار ظهوره للنور أولا .. الفيلم كصورة هايل جدا .. الأكشن المعمول بكدراته بإخراجه حاجة تفرح وأحمد خالد اثبت إنه مخرج ليه بصمة .. و داخل عالم السنيما بتقل أوي بأول تجربة ليه».
وأضافت سارة «المؤلف محمد السيد بشير برضه اول عمل سنيمائي .. و عامل تويستات جميلة أوي في الفيلم .. و أحمد خالد ساعد إنها تظهر بشكل جميل ..لدرجة إنه جت لحظة في الفيلم كلنا بنسأل إيه ده في إيه .. و بعدين بيوضحلك كل حاجة ».
وتابعت «السقا.. انت بني آدم عظيم ... فكرة العمل الجماعي مش مفارقاه .. مش أناني ... انت فعلا نجم، امير كرارة .. كاريزما عظيمة، غادة عادل .. بسيطة و جميلة، مصطفي خاطر .. دايما هكون مبسوطة بيه .. عشرة العمر اللي باشوفه واخد خطوات ناجحة و مختلفة ..و قبوله هايل ما شاء الله .. ربنا يزيده و نشوفه في أدوار أقوي .. عشان هو جدير بيها، أحمد العوضي .. أنا حبيته أوي، فتحي عبد الوهاب .. عظييييييم و ممتع بشكل غير طبيعي .. تفاصيل ولازمات .. و كوميديا خفيفة وتمثيل قوي .. حاجة تبسط أي مشاهد و أي ممثل إنه يتفرج عليه أو يمثل معاه، ضيوف الشرف ... الأساتذة .. مع كامل احترامي، لألقابهم .. نوروا الفيلم ..و لو حتي بجملتين.. وجودهم متعة تانية .. و أنا أتمني أمثل قدام كل واحد منهم ».
و«هروب اضطرارى» بطولة أحمد السقا، وأمير كرارة، وغادة عادل، ومصطفى خاطر، وفتحى عبد الوهاب، ودينا الشربينى، وأحمد العوضى، وأحمد حلمى، وعزت أبو عوف، وباسم سمرة، ومحمد فراج، وأحمد زاهر، وآخرون، ومن تأليف محمد سيد بشير، وإخراج أحمد خالد موسى، وانتاج ندى السبكى.
