شكر الفنان محمد محمود عبد العزيز، والده الراحل الفنان محمود عبد العزيز، فى ذكرى أول عمل لشركة "مجموعة فنون مصر"، مؤكدا مساندته وإيمانه به فى بداية طريقه بالإنتاج.
ونشر محمد عبد العزيز، عبر حسابه الشخصى بموقع تبادل الصور "إنستجرام"، صورة للبوستر الدعائى لمسلسل باب الخلق، الذى قام بإنتاجه كأول عمل فنى لشركته الإنتاجية بطولة الساحر محمود عبد العزيز، وعلق محمد على الصورة قائلا: "سنين كان أول عمل لشركة مجموعة فنون مصر اللى أبويا كان أول واحد يآمن بيها ويشرفها بموافقته بالشغل معانا أنا وأخويا الكبير ريمون.. أكيد فى الأول كان بيعمل كده عشان يقف جنبى ويساندنى فى أول طريقى بالإنتاج، زى ما أى أب فى الدنيا بيساند ويدعم ابنه، لكن مع كل سنة كان بيوافق إنه يجدد ثقته فينا ويشتغل معانا تانى كنت بتأكد إنه من جواه مصدقنا ومؤمن بينا لأنى متأكد أنه لا يمكن يجامل فى شغله.. أتمنى أكون مشرف حضرتك، ويا رب أفضل أشرف حضرتك لغاية ما نتقابل قريباً إن شاء الله.. ومش هقول برضه غير ربنا يخليك ليا يا سندى وضهرى وأبويا وأخويا وصاحبى، واحشنى أوى، أسألكم الفاتحة والدعاء لأبويا ولأمواتنا جميعا".
من ناحية أخرى شارك محمد محمود عبد العزيز فى مسلسل «ظل الرئيس» مع علا غانم ومحمود عبد المغنى وعزت أبو عوف ودنيا عبد العزيز، تأليف محمد إسماعيل أمين، إخراج أحمد سمير فرج، وإنتاج شركة فنون مصر لريمون مقار ومحمد محمود عبد العزيز.
