أعلن مؤخرًا الهضبة عمرو دياب عن طرح ألبوم جديد بعنوان « معدى الناس » فى مفاجأة لجمهوره ومحبيه الذين ينتظرون أعماله، منذ سنوات بعيدة ليتربع على عرش الغناء بصوته واختياره للأغانى، مما يجعله يحصل على العديد من الجوائز.
ووجه الملحن عمرو مصطفى التهنئة « للهضبة » قائلًا: « عمرو دياب، الصيف ما يبقاش صيف من غيره، هو مش بس أستاذى، هو صديق وأخ من أول ما مسكت الجيتار، من أول ما كنت أنا وأصحابى مانفوتلوش ولا حفلة.. سوء التفاهم بيحصل بين كل الناس لكن أنا عمرى ما قلت أو لمحت حتى بأى إهانة ليه، بالعكس كنت مدافعا عنه دايما حتى فى وقت بعدنا عن بعض....وأنا لازم اعترف بعد اللى وصلت ليه بفضل الله إنه كان سبب كبير فى شهرتى، إيمانه بيا وبموهبتى كان دايما حافز ليا أنى أبدع.. عمرى ما سمعت أنه قال كلمة وحشة عنى لأنه إنسان راقى قبل ما يكون فنان راقى.. خلافتنا كانت بسبب شركة إنتاج مش أى حاجة تانية.. كنت ولازلت بتعلم منه وبستنى جديدة زيى زى الملايين من جمهوره اللى ذكراياتنا كلها على أغانيه.. مستنيين ألبوم الهضبة عمرو دياب»، وبهذه التهنئة يكون أنهى خلافة مع الهضبة الذى استمر وقتا طويلا.
وليس عمرو مصطفى أول من أنهى خلافه مع الهضبة، بل سبقه المؤلف والشاعر الغنائى أيمن بهجت قمر وأنهى خلافا دام لأكثر من خمس سنوات مع الهضبة عمرو دياب.
ونشر «قمر» عبر حسابه الشخصى فيس بوك الاعتذار، قائلًا: « خمس سنين زعل كتير أوى بصراحة وأنا غلطت لأنى أقحمت عمرو فى مشكلتى مع روتانا، وغلطت أكتر لأنى أظهرت الخلاف ده فى العلن، ولكن الواحد طول الوقت بيتعلم ومحدش كبير على الاعتذار».
واستكمل: «ويا عمرو زى أنا ما غلطت فى العلن بعتذر لك فى العلن، أنت فوق إنك فنان كبير أنت أخ حقيقى على المستوى الشخصى أنا افتقدته وعفا الله عما سلف.. وعايز أقدم اعتذار لجمهور عمرو اللى زعل على زعله وحقكم على راسى من فوق.. وصافى يا لبن».
كما وجه رسالة أخرى « للهضبة » للتهنئة على ألبومه الجديد معدى الناس: «بتعلم منه وبستنى جديده زيى زى الملايين من جمهوره اللى ذكراياتنا كلها على أغانيه.. مستنيين ألبوم الهضبة عمرو دياب».
وأيضًا أنهت شركة روتانا خلافاها مع عمرو دياب بعد عامين، وأقيمت جلسة صلح بين الطرفين، وذلك بعد أعلن الهضبة عن ألبومه الجديد معدى الناس.