شن الفنان رامى صبرى، عبر صفحته الرسمية على موقع التواصل الاجتماعى فيس بوك، هجوما حادا على إحدى شركات الاتصالات، بعد تسريبها ألبومه الجديد.
وأكد رامى أنه بذل مجهودا كبيرا، حتى يخرج الألبوم بشكل مميز، ولكن فوجىء بأن هذه الشركة، سربت الألبوم بجودة رديئة، معربا عن استيائه من هذا التصرف .
وكتب رامى على صفحته قائلا:« مفيش أسوء من أنك تشتغل فى البوم سنه ونص بتفاصيله من تسجيل وكلمات وألحان وسفر لتركيا عشان تسجل حاجه مختلفه وتدفع فلوس اكتر عشان الكوالتى وبعدين تمكسج كذا مره وتتعب الناس اللي شغالين معاك وبعدين تروح تماستر الألبوم كله بره مصر عشان الكواليتي تبقي ذي بره وبعدين ميعجبكش وبعدين تررجع تماستر الألبوم تاني هنا وتتعب الناس بردو وبعدين بعد كل ده تيجي شركة بكل بساطه تسرب الالبوم بكواليتي ذي الزفت وكل ده عشان يحطو voice over حصريا !!!! طب اعمل اي ابطل مزيكا!!؟ أعمل ايه؟ بجد أنا قرفت مالبلد دي بجد فشختو تعبي وسهري علي الشغل بكل بساطه ربنا ينتقكم منكم بجد !!!!!!!».
وفور نشر البوست تفاعل جمهور رامى صبرى معه، منتقدا تصرف تلك الشركة.
