قررت النجمة الشابة رنا سماحة مصارحة جمهورها بكثير من الأمور التى تفكر بها مؤخرا، وتحدثت رنا مع جمهورها عبر حسابها الخاص على موقع التواصل الاجتماعى فيس بوك منذ قليل عن أعراض مرض الشهرة، ويبدو أن رنا تتابع هذه الأعراض من أشخاص تعرفهم جيدا وهذا ما توقعه جمهورها فى تعليقاتهم.
رنا كتبت قائلة: "يا جماعه سمعتوا قبل كده عن الأعراض الجانبية للشهرة؟!!
اه الشهرة ليها أعراض جانبية
بتيجى للبنى آدم لما بيوصل شويه ويلاقى الناس عارفاه وبتحبه
فبيصاب بالعظمة بيبطل يشوف الناس بيشوفهم أرقام شوية followers وviews وفلوس مابيحسش يعنى ايه بنى آدم مابيعرفش ان خسارة الآدميين اكبر مصيبة من اى حاجه تانيه فى الدنيا
زى ما دايماً بقول الحاجه الوحيدة اللى تستاهل الزعل على خسارتها هى البشر
بيرفض يمشى على الارض عشان هو غير الناس بيتحول لإنسان أنوى أنا وأنا وأنا
الحاجة الاخيرة بقى هى انه بيفقد احترامه لأى حد يحسسه انه عادى فبيلفت النظر بأى طريقه بيبدأ بلفت الانتباه وبعدين يحكى عن إنجازاته العظيمه وطبعاً لازم يحسسك وهو بيحكيلك انه عادى مش فارق معاه دى اقل حاجه عنده..
ولو كل ده ماجابش معاك عادى تبقى طريقته غير مهذبه
لازم يطلع أسوأ مافيك عشان يبقى كسر عينك النماذج دى بشوف منها كتير فى مجتمعنا
اللهم اجعلنا دائماً متواضعين لك راضيين شبعانين خلى رجلينا دايماً على الأرض يا رب وابعد عنا الكبر والغرور وابعد أصحابهم عننا".
كانت رنا قد أحيت مؤخرا واحدا من أقوى حفلاتها ضمن فعاليات مهرجان الصيف بدار الأوبرا المصرية، وشاركها الحفل المطرب الشاب محمد عساف، وقد حرص الصديقان على أن يغنيا سويا عددا من الأغنيات على طريقة الدويتو.
