هنأت الفنانة إنجى وجدان، والدتها بعيد ميلادها، حيث نشرت إنجى صورة تجمعها بوالدتها عبر حسابها الشخصى بموقع تبادل الصور والفيديوهات الشهير «إنستجرام».
وعلقت أنجى على الصورة قائلة: "النهاردة عيد ميلاد أمى حبيبتى.. كل سنة وأنتى طيبة يا أمى.. بحبك يا أعظم امرأة فى حياتى.. أنتى تعبتى كتير علشانى.. أنتى أقرب واحدة ليا، صحبتى وأختى وأمى.. من غيرك مكنتش هاوصل للى أنا فيه دلوقتى الحمد لله.. ومهما كبرت هأفضل طول عمرى بنتك الصغيرة.. مابحبش أخد قرار غير لما أخد رأيك لأنك دايما هتقوليلى القرار الصح وعمرك ما هتضحكى عليا ولاتنافقينى.. يارب أعرف اعمل نص اللى أنتى عملتيه علشانى مع إسماعيل ابنى..أنتى دايما جانبى.. أنتى يا أمى سندى وظهرى.. مهما كتبت مش هقدر اوصف حبى ليكى.. بحبك يا أعز صديقة يا أمى".
وشاركت إنجى وجدان فى فيلم "آخر ديك فى مصر" من بطولة محمد رمضان، هالة صدقى، دينا، انتصار، مى عمر، محمد سلام، محمد ثروت، ملك قورة، وعدد آخر من الفنانين وتأليف أيمن بهجت قمر وإخراج عمرو عرفة.
