نشر الفنان حسن الرداد عبر حسابه الشخصى على موقع تبادل الصور والفيديوهات "إنستجرام"، صورة للنجم عمرو يوسف، معلقا عليها: "عايز أشكر الصحفيين المحترمين اللى بيراعوا ضميرهم و بيحترموا شرف مهنتهم و لم يتناولوا الخبر الكاذب الملفق اللى تداولته بعض المواقع عن الزميل و الأخ و الصاحب و النجم عمرو يوسف و زوجته، طبعا الخبر اتنفى و كل حاجة، لكن هو بقى اى حد عايز يكتب اى حاجة يكتبها لمجرد انه شغال فى جريدة أو موقع إلكتروني؟، هل الفنان مباح انه يتلفق له اى خبر لمجرد انه مشهور عشان الجريدة أو الموقع يعمل (فرقعة صحفية)، عمرو يوسف من أنقى و أطيب و اكثر الناس احتراما و اخلاقا هو و زوجته العزيزة، مش بقول الكلام ده عشانه صاحبى، لكن الموضوع اكبر من مجرد خبر خايب نزل عن عمرو، كدة بقى اى حد عايز يكتب عن اى فنان اى تهمة يكتب براحته و يحاول يشوه سمعته على مزاجه، عشان كدة لازم محاسبة كاتب هذا الخبر حتى يكون عبرة لغيره، لأنه فى البداية يسىئ إلى الصحفيين المحترمين الشرفاء اللى بنحترمهم جدا قبل أن يسيئ للفنان المنسوب إليه الخبر، و عايز اقول للمحترم الخلوق#عمرو يوسف، معلش ضريبة الشهرة يا صاحبى".
من ناحية أخرى، يستعد الرداد خلال الفترة المقبلة لتصوير فيلمه الجديد "عقدة الخواجة"، وتعقد حاليا جلسات عمل بحضور منتج الفيلم أحمد السبكى ومخرجه بيتر ميمى من أجل وضع الخطوط العريضة واستكمال تعاقدات باقى أبطال العمل، والمقرر تصويره خلال الأيام القليلة المقبلة.
وتدور أحداث الفيلم فى إطار كوميدى وأكشن ورومانسى، كما يظهر فيه الرداد بشكل جديد ومختلف عن الأدوار التى قدمها من قبل ومن تأليف هشام ماجد وشيكو، ومن إنتاج أحمد السبكى، ومن المفترض عرضه ضمن موسم عيد الأضحى.
