أحيا ليلة أمس الهضبة عمرو دياب حفلا غنائيا كبيرا فى مراسى بالساحل الشمالى، وخلال الحفل فاجأ عمرو الجمهور بندائه لأحد الأطفال المتواجدين فى الحفل ليشاركه الغناء على المسرح، وكانت المفاجأة أن هذا الطفل كان يعرفه الجمهور جيدا، حيث إنها لم تكن المرة الأولى التى يظهر فيها على المسرح بجانب عمرو دياب، ولكن سبق وشارك هذا الطفل عمرو فى الغناء فى حفله العام الماضى الذى تمت إقامته بتاريخ 18 أغسطس 2016، حيث إنه واحد من أشد المعجبين بالهضبة، ولهذا السبب يكون دائم الحرص على حضور حفلاته، حسبما ذكرت شقيقته، التى حرصت على أن تسرد قصة شقيقها الصغير عبر صفحتها على موقع فيسبوك.
فقالت شقيقة محمد: "موضوع محمد أخويا وعمرو دياب في اختصار، السنة اللي فاتت وزي كل سنة بنروح حفلات عمرو وبنقف أول صف، ولا في بالى محمد يلبس إيه عادي لابس تشيرت بيحبه ومستنيين عمرو عشان نقضي الحفلات، عمرو أخد باله من محمد في أغنية على حبك، شاور له وبعتله بوسة، لمحه مرة تاني بيغني ومندمج شاور له بردو زي أي حد في أغنية محمد كان حافظها عمرو أخد باله أكتر وقاله تعالى أنا عايزك، طلع على الاستيدج وآخر حاجة تخيلتها إنه هيتصور وينزل بس، اتفاجئت إنه بيسأله ويقوله حافظ أغاني إيه وعندك كام سنة وغني الليلة وخلينا لوحدينا وهي عاملة إيه دلوقت وإيه يعني ووياه، كان فعلا أحلى يوم في حياتي، ومفيش أي ترتيب ولا تفكير من أساسه".
أما بخصوص حفله هذا العام فقالت "2017 أقسم بالله ولا كنت رايحة الحفلة ولا معايا تكيت حتى لأنها خلصت من بدري ومحمد نفسه جدا يروح وزعلان لأنه عايز يشوف عمرو ويروح حفلته زي ما اتعودنا، حد كلمني يوم الحفلة العصر وقالي في تكيت تيجي بس سعر أكتر ومحمد زعلان وعمال يقول يلا نروح قومنا لبسنا ونزلنا رايحين عشان ننبسط، بردو وقفنا أول صف ومحمد عامل شعره زي حفلة مارينا زي كل الشباب لأنه بيقلد عمرو دايما، طلع عمرو، وإذ فجأة يشاور ويبص أوي لمحمد ويقوله انت تاني مش كنت هنا السنة اللي فاتت حفظت الألبوم ولا لسه محمد قاله آه قاله هشوف وهختبرك استني غني عمرو وكله هايص مرة تاني قاله وريني لابس إيه وخلي حد يرفعك الناس تشوفك بعد كده قاله يلا تعالي وغني أقسم بالله حاجات أنا معرفش امتي وإزاي حفظها وقلت أكيد محمد مش هيعرف يغني لأنه سمع الألبوم اللي فات أسبوع ولا متفقين ولا مرتبين ولا نعرف عمرو غير زي كل الناس ما تعرفه".
مباراة غنائية بين عمرو دياب وأصغر معجبيه بحفله... من طرف 3ain-news