نشر النجم محمد رمضان عبر حسابه الشخصى بموقع التواصل الاجتماعى «فيس بوك» فيديو يعتذر فيه للفنان الكبير الراحل الكوميديان إسماعيل ياسين، عن ما نشر فى أحد الجرائد وفهم بالخطاء، قائلا: كل سنة وأنتم طيبين وعيد سعيد عليكم وعلى الشعب المصرى والوطن العربى جميعا، وبالنسبة للتصريح الذى نشر فى أحدى الجرائد اليوم أن أفلام الأستاذ إسماعيل يس تسئ للجندى المصرى حق التوضيح أسماعيل ياسين أكتر ممثل بيضحكنى فى الدنيا أغانى كلها حافظها ويشهد على كلامى أستاذ أيمن بهجت قمر نأعد أنا وهو نراجع حفظا لأغانى أستاذ إسماعيل من «متستغربشي» و«للسعادة» وكل المونولجات العظيمة اللى عملها وكل اللى يعرفونى عن قرب يعلم مدى حبى للفنان الكبير إسماعيل ياسين، ولكن السؤال كان هل أن أنا فى مخططى أنى أعمل فيلم عن الجندى المصرى زى الأستاذ إسماعيل ياسين فقولت لا خلاص الأفلام دى أتعلمت، ولكن أنا حابب أعمل أفلام تبين هيبة الجندى المصرى مدى انضباطه وألتزمه للجيش والبلد، وده كان ردى أنى مش عايز أعمل العسكرى اللى لابسه واسع عليه أو «الايش» معوج أنا عايز أعمل الجندى المصرى كما ينبغى أن يكون فالرد طبعا، وطبعا الرد أو التصريح مستفز جدا، ومالوش أى علاقة بشخصيتى وعمر ما ده كان رأى فى الأستاذ إسماعيل ياسين ده نجم كبير جدا ومن أهم الرموز كمصريين فبس ده توضيح وأرجو أن أسرة النجم الراحل إسماعيل ياسين يوصلها حق الرد بتاعى وتوضيحى على التصريح اللى أنكتب، وده تصريح فقط عشان يشد القراء، وأنا أكيد حضرتكم كلكم عارفين أننا مناخودش الموضوع بالعنوان من بره، ونحاول نوصل لرؤية الشخص فى الجملة اللى اتخدت دى وكامل احترامى وتقديرى للأستاذ إسماعيل ياسين وكل رموزنا القديم والموجودة دلوقتي، محمد رمضان»
يذكر أنه يعرض حاليا فيلم «الكنز» للنجم محمد رمضان وهندى صبرى وأحمد رزق وروبى ومحمد سعد، وهو من تأليف عبد الرحيم كمال وإخراج شريف عرفة.