وجه النجم محمد إمام، الشكر لجمهوره وزملائه الفنانين، وذلك بسبب تهنئتهم له بعيد ميلاده، حيث نشر إمام صورا له عبر حسابه الشخصى على مواقع تبادل الصور والفيديوهات الشهير "إنستجرام".
وعلق إمام على الصور قائلا: "اللى عنده معجبين زيكم مش بس يحب يوم عيد ميلاده، ده يحب كل لحظة بيبذل فيها مجهود علشان يسعدكم.. مش عارف أقول ايه على كمية الرسايل والبوستات والكومنتات الحلوة اللى جتلى.. انتوا فعلاً أحلى حاجه فى حياتى، أنا مش عايش غير علشانكم ومكمل بيكم..شكراً على كل الحب ده.. وشكراً لزمايلى الفنانين على البوستات بتاعتهم وكلامهم، ربنا يديم المحبه ما بينا..و من كل قلبى شكراً على التصميمات الجميلة والكلام الحلو اللى موجودين على هاشتاج #عيد_ميلاد_الزعيم_الصغير.. ماقدرش انا على الدلع ده كله".
ويستعد محمد إمام لبدء تصوير فيلمه الجديد "شمس وقمر" مع النجمة ياسمين صبرى، بعد انتهاء إجازة عيد الأضحى، والذى تعاقد على بطولته مع شركة نيوسينشرى، تأليف محمد ناير وإخراج رامى إمام.
كانت آخر أعمال محمد إمام مسلسل "لمعى القط"، الذى عُرض فى شهر رمضان الماضى، وحقق نجاحًا كبيرًا، تأليف حازم الحديدى، إخراج عمرو عرفة، وإنتاج تامر مرسى، وشارك محمد إمام البطولة تارا عماد، وإنجى أبوزيد، وإدوارد، وسليمان عيد، وويزو، وأوس أوس، ومحمد أنور، وظهرت لقاء الخميسى فى عدد من المشاهد.
