تروج الفنانة هيدى كرم، للقراءة، حيث نشرت عبر حسابها على موقع تبادل الصور والفيديوهات، إنستجرام، صورة جديدة لها، من داخل إحدى المكتبات العامة، تتفقد العديد من الكتب التى تريد قراءتها.
وعلقت على الصورة تشير إلى أهمية القراءة، وفضلها في تلقى وتعلم الكثير عن حياتنا وفهم العديد من الأمور التى من المكن أن تختلط علي الفرد، حيث قالت "خلت مدرسه كويسه...و جامعه كويسه... و اتعلمت علي مدار سنين الدراسه الطويله حساب و كيمياء و فيزياء و أحياء و لغات و تاريخ و جغرافيا و غيره و غيره من الحشو اللي مالوش نهايه و اللي مش فاكره منه تقريبا و لا حاجه... و الحاجه الوحيده اللي ما علموهالناش في المدارس هي القراءه و حب القراءه" .
وأضافت قائلة "لحد ما إتغيرت و إتبدلت الاحوال.. و اصبحت في حال غير الحال.. و ليقت الدنيا حواليه غير الدنيا و لقيتني مش فاهمه حاجه خالص من اللي بيحصل او ليه بيحصل و بعد ما كنت فاكراني ناصحه و فاهمه و واعيه لقيتني مش فاهمه حاجه خالص و اتاريني لا افقه شيء في شيء .. و اتاري في الدنيا دي حاجات كتير و افكار كتير و رؤى كتير و مفاهيم كتير فلسفه كتير انا ما عنديش فكره عنها... و اتاري الدنيا واسعه اوي و انا من جاهلي شايفاها قد خرم الإبره... لغاية ما اكتشفت الاكتشاف الاعظم في حياتي.. اكتشفت القراءه.. اللي بجد غيرت حياتي و منظوري لكل و اي حاجه حواليه...علمتني و غيرتني و قوتني و فهمتني و اسعدتني ...و ماحدش يقولي انا مش بحب القراءه.. اراهنك انك ما جربتش علشان تعرف... انا كمان كنت فاكره كده.. و لقتني بعشقها" .
وأشارت هيدى الي ان القراءة لا تحكم بسن معين، حيث انها لا تأتى بالتعود عليها من الصغر، ولكنها تأتى من الحرص وشغف الحصول علي المعرفة والمعلمات، قائلة " و ما حدش يقولي انا ماتعودتش عليها من صغري.. لان القراءه عاده ممكن تكتسبها في اي عمر او مرحله من حياتك... اقرأ في كل حاجه و اي حاجه نفسك تقرا فيها... القراءه ساحره.. القراءه منقذه... القراءه مفرحه... القرءه هاتغير حياتك للاحسن... و علي فكره فيه مليون حاجه ممكن نقرا فيها غير الروايات.. العالم مليان اسرار... و مليان كتب بتتكلم عن الاسرار دي... اقرا علشان تفهم نفسك اقرا علشان تفهم اللي حواليك.. اقرا علشان تحب نفسك... اقرا علشان تحب اللي حوليك و تحب الدنيا.. اقرا لان المعرفه نور " .
