قام المذيع خليل جمال بعمل جلسة تصوير تحت عنوان back to school تجمع بينه وبين شقيقته "سارة جمال" المعروفة بمدونة الموضة بدون ماكياج على مواقع التواصل الاجتماعى، ويعتبر هذا الإعلان الأول عن صلة القرابة التى تجمع بينهما، وعاد كل منهما إلى فترة طفولتهما وذكرياتهما مع المدرسة.
وقالت سارة على صفحتها الشخصية على فيس بوك: "كنا فى مراحل دراسية لاحقين بعض دايما كانت أيام مليانة نشاط بالنسبة لينا..حفلات وإذاعة مدرسية ورسم وغناء..مواهبنا كتير ماشاء الله و بفضل الله كنا فى أى مكان ملفتين للنظر بفضل الله..
مكنش ينفع منعملش حاجه سوا. جت فكرة السيشن فى دماغنا ومن قلب أحب مدرسة لقلبنا واللى ماما موجودة و شغالة فيها حتى الآن طلعنا السيشن ده بمناسبة بدء الدراسة و رجعنا بيها ايام ما كنا صغيرين. السيشن اخراجنا كله والشغل اللى عالسبورة إحنا اللى عاملينه واختيار اللبس والكماليات كلها".
من ناحية أخرى يقدم المذيع خليل جمال برنامج "عرب وود" على شاشة روتانا، وقد حصل خليل على لقب مذيع العرب، وقدم برنامج "خلاصة الكلام" مع صديقه المذيع ممدوح الشناوى على شاشة تليفزيون الحياة.
