دافع الفنان محمد إمام، عن صديقه أحمد الفيشاوى، بعد تعرضه للهجوم من الجمهور، بسبب تفوهه بلفظ خارج فى حفل افتتاح مهرجان الجونة السينمائى.
ونشر إمام عبر حسابه الشخصى على موقع تبادل الصور والفيديوهات الشهير "إنستجرام"، صورة لأحمد الفيشاوى، وعلق عليها قائلا: "أنا بحب أحمد الفيشاوى.. مشكلة أحمد أنه عايش بدماغ غربى فى مجتمع شرقى متحفظ جداً، بيغلطوا آه بس ما يحبوش اللى بيحبوهم يغلطوا. أنا عشت مع أحمد أيام فى بيت الأستاذ فاروق الفيشاوى ومدام سمية الألفى وما شفتش منهم غير كل حب. الأستاذ فاروق من ألطف الشخصيات اللى ممكن تشوفها فى حياتك، ومدام سمية من أجمل الأمهات ( ده غير أن اول مسلسل ليا فى حياتى كان مع الاتنين دول ). وعلى فكرة أحمد الفيشاوى ده من أقوى الممثلين اللى فى مصر. سيبوه يعيش حياته زى ما هو عاوز وأنتوا عيشوا حياتكم زى مانتوا عاوزين.. البوست ده مش دفاعاً عن أحمد، هو فعلاً غلط واعتذر، بس كان فى كلمتين لازم أقولهم بحق العيش والملح والعِشرة اللى بينا".
وكان لفظ الفيشاوى قد أثار غضب الجمهور، حيث اعتبر رواد التواصل الاجتماعى، الفيشاوى "سقطة" المهرجان بسبب عدم احترامه النجوم الكبار الحاضرين، عندما سُئل عن فيلم "الشيخ جاكسون" الذى يؤدى بطولته ويشارك فى المهرجان، فقال بطريقة استفزت المتابعين: "ياريت تعرفوا تتفرجوا على البتاعة الـ"خرا دى".
