احتفل عدد من أبطال فرقة "مسرح مصر"، اليوم الأربعاء عبر صفحاتهم على موقع تبادل الصور "إنستجرام" بـ"عيد الحب" مع أزواجهم، معبرين عن مشاعرهم لهم فى هذا اليوم، حيث نشروا صور تجمعهم بنصفهم الآخر موجهين لبعضهم البعض رسائل الحب.
من جانبه نشر الفنان الكوميدى حمدى الميرغنى، صورة تجمعه بزوجته إسراء عبد الفتاح وكتب عليها: "كل يوم بينى وبينك هو عيد حب كل لحظة معاكى بيتولد حب جديد.. بحبك وهفضل أحبك يا مراتى يا بنتى يا اختى يا أمى ياحبيبتى.. ربنا يخليكى ليا ويبعد عنك كل سوء ويارب يجعلنى سبب سعادتك وفرحتك.. مهما قولت وكتبت مش هعبر عن جزء من اللى فى قلبى ناحيتك.. بحبك أووووى".
كما نشر الفنان محمد أنور صورة تجمعه بزوجته نوران وكتب: "أول عيد حب وأنا معايا أول وآخر حب".
ونشر الفنان حامد الشراب صورة مجمعة له مع خطيبته، وكتب عليها قائلا: "أول عيد حب يعدى علينا مع بعض وإن شاء الله لآخر العمر يا حبيبتي، ومش هعترف بعيد الحب بصراحة علشان كل يوم جنبك عيد حب وكل يوم وكل ساعة".
وأضاف: "كل ثانية حبى ليكى بيزيد اكتر واكتر وبعرف إنى لو لفيت الدنيا كلها مش هلاقى زيك بحبك وربنا يخليكى ليا وميحرمنيش منك أبدا ويتمم لينا على خير كل لحظة وانتىى معايا.. مش كل عيد حب بس".
