علقت إنجى المقدم على حالة الجدل التى أثارتها خلال اليومين الماضيين منذ ظهورها مع لميس الحديدى خلال فقرة "هنا الستات" وتحدثت لـ"عين" عن التحرش بتأكيدها على أنها تعرضت له أكثر من مرة حيث قالت "طول ما احنا عاملين زى النعامة مش هنتقدم خطوة، بلاش نفضل حاطين راسنا فى الرمل، وعلى فكرة الحكايات اللى حكتها ما حصلتش ليه لوحدى دى حصلت لأغلب ستات وبنات مصر، وإذا كانت ف ناس زعلت لما قلت اننا كبنات لما كنا بنتنقل من مبنى مدرسة لمبنى تانى كنا بناخد احتياطاتنا من الأولاد اللى هنشوفهم واللى بالتأكيد هيبقى فى كتير منهم بيتربصوا بينا كبنات فعلى كل أب وأم يسألوا بناتهم وهيحكولهم حكايات أفظع.
وأعربت إنجى عن سعادتها أيضاً بنجاح الحلقة التى أثارت ردود فعل واسعة من شأنها توعية الناس أكثر.