له ستايل يختلف عن أى مطرب شعبى موجود على الساحة الفنية، أغانيه كلها لحن واحد، لكنه خلق لنفسه حالة خاصة وسط المطربين الشعبيين، ذاع صيته أكثر بعد أغنية "بحب عمرو موسى وبكره إسرائيل" المطرب شعبان عبد الرحيم الذى تحدثنا معه فى حوار خاص ومختلف.
- الفرق بين الأغنية الشعبية والأغنية الرومانسية؟
الأغنية الشعبية لها ناس معينة بتسمعها وهم الناس الشعبى البسطاء وكل من يعمل أى مناسبة سعيدة كالأفراح والأعياد الميلادية والاحتفالات وغيرها والأغنية الرومانسية لها ناسها وهم المثقفين.
- المطرب الشعبى الأقرب لك؟
كلهم أصحابى منهم أحمد عدوية وعبدالباسط ومجدى طلعت وطارق الشيخ وأحمدشيبة والليثى
- الشاعر اللى بتتعاون معاه فى جميع أغانيك ؟
إسلام خليل لأنه قريب منى ويبفهمنى جدا
- بتشترى لبسك منين؟
من الوكالة وأحيانا أسافر خارج مصرلأشترى ملابس مشجرة
- ما رأيك فيما يحدث فى الدراما الآن؟
المسلسلات معظمها تعلم العنف وبصراحة ماليش فى الدراما إلا إذا كان دورا كوميديا
- لماذا لم تشارك فى السينما الفترة الماضية؟
قدمت فيلم «مواطن ومخبر وحرامى» ولم أجد فيلما جيدا لأشارك به
- ما حقيقة مشاركتك فى فيلم "أفندنينا" ؟
طبعا بشارك فيه والمفروض ينزل فى السينما قريبا وبجسد من خلاله دور ميكانيكى مع إنى مش بفهم فى الميكانيكا
- نفسك تعمل دويتو مع مين؟
عاوز أعمل مع ولادى دويتو
- مين منافس شعبان عبدالرحيم دلوقتى ؟
مليش منافس لأنى بغنى لون لوحدى
- علاقتك بالموسيقار حلمى بكر؟
عم حلمى حبيبى بس هو بيحب يتكلم عليا طول الوقت
- ممكن تشتغل معاه فى أغنية ؟
كنت قولتله من فترة بس هو ميعرفش يلحن الأغانى بتاعتى ولازم يكون صوت الملحن صوته حلو بس عم حلمى صوته وحش
- بتحب تسمع مين من المطربات ؟
بسمع إليسا وشيرين وكل واحدة ليها جمهورها
- رأيك فى هيفاء وهبى؟
هيفاء أول حد ييجى فى cnn وأنا كنت معاها وهى حبيبتى علطول بشوفها فى الأفراح
- الرياضة اللى أنت بتحب تلعبها؟
كل يوم بجرى فى الفيلا بتاعتى حوالى ساعة
- آخر كتاب سمعت عنه؟
معرفش إلا كتاب الله القرآن الكريم
- كان نفسك تكون إيه وأنت صغير؟
كان نفسى أكون ضابط شرطة
- ما أخبار برنامجك الجديد؟
بحضر برنامج يتناول قصة حياتى بس لسه مش عارف هيذاع إمتى
- عندك فيس بوك؟
عندى بس برفع عليه صور بس، ومش بقرأ التعليقات ومش بكلم حد عليه
- تعرف حاجة عن إنستجرام؟
اه عندى بس بتفرج على الصور بس
.jpg "download (1)")
- عندك واتس أب على التليفون؟
اه عندى بس ببعت صوت بس واللى بكلمه بيبعتلى صوت بردو
- تعرف حاجة عن اليوتيوب؟
مش بعرف أدخل عليه ولوعاوز اغنية بقول لحد يبعتهالى
- بتعرف تتصور سيلفى؟
مش بعرف أظبط الصورة بصراحة
- كدبة بيضة كدبتها؟
يضحك.. الواحد كل شوية بيكدب
- ممكن تتجوز تانى؟
الحمدلله استكفيت وربنا يخلى ولادى وأحفادى