احتفل نجوم مسرح مصر، بعيد ميلاد صديقهم الفنان على ربيع عبر حساباتهم على موقع تبادل الصور "إنستجرام"، متمنين له دوام النجاح والتوفيق فى مشواره الفنى.
ونشر الفنان مصطفى خاطر صورة ترفقه على ربيع، قائلا: "كل سنة وأنت طيب يا لولو يا رب سنة سعيدة عليك وكلها نجاح ومسلسل سك على أخواتك ينجح ويكسر الدنيا".
وتمنى الفنان محمد أنور، التوفيق لصديقه على ربيع فى مسلسله الجديد "سك على أخواتك"، موجها له رسالة جاء فيها: "كل سنة وأنت طيب يا حبيبى ويا رب مسلسل سك على أخواتك يكسر الدنيا فى رمضان إن شاء الله".
وهنأ الفنان كريم عفيفى، زميله الفنان على ربيع بعيد ميلاده، قائلا: "صاحبى وحبيبى وعشرة عمرى كل سنة وأنت طيب ويا رب سنة سعيدة عليك كلها نجاح".
أما الفنان محمد عبد الرحمن، كتب قائلا: "كل سنة وأنت طيب يا صاحبى وأخويا وعقبال مليون سنة ودايما ف نجاح ودايما مضحك الدنيا كلها، وإن شاء الله سك على أخواتك يولع الدنيا".
وكتب الفنان محمد أسامة الشهير بـ"أوس أوس"، قائلا: "يتغير الزمان.. يتبدل المكان.. ويظل على ربيع مصدر الأمان.. كل سنة وأنت طيب يا أخويا مع بعض من 2006 الحمد لله فى الحلوه والمره دايما جنب بعض وعلى ما اعتقد بقينا قمامير اكتر، ربنا يسعدك ورمضان القادم تكسر الدنيا باذن الله".
وكتب الفنان حمدى الميرغنى، تعليقًا على صورة جمعته بربيع فى أحد عروض "مسرح مصر": "كل سنة وأنت صاحبى الطيب الجدع الكوميديان اللى بيموتنى ضحك.. ربنا يوفقك يا ربيع وتبقى سنة سعيدة عليك وتحقق فيها اكتر من اللى بتتمناه، ومسلسلك يكسر مصر، أنا أول واحد مستنيه.. ربنا يسعدك ويرزقك بالذرية الصالحة ويبعد عنك عين كل حاسد.. حبيبى يا ربيع".
