وكعادتها تثير سما المصرى الجدل حولها بانتقادها للكثير من أفعال أهل الفن والإعلاميين، وهذه المرة كان من نصيب الفنان محمد رمضان، حيث توجهت سما له بالنقد بعد نشره فيديو يستعرض من خلاله السيارات الثلاثة التى يمتلكها التى تحتوى على أحدث الموديلات والباهظة الثمن.
وقد نشرت سما صورة لمحمد رمضان معلقة عليها قائلة: "بص يا محمد أنت نجم ونجم كبير مش صغير، والناس بتحبك عشان أنت فعلا تعبت والشباب نفسها تبقى زيك فى كفاحك ونجوميتك وجمهورك من الغلابة اللى شايفينك قدوة ليهم بلاش تجرح مشاعر الغلابة دول وكل بتصويرك كل شوية للعربيات اللى عندك.. ربنا يديك أكتر وأكتر عربيات وفيلل وكل حاجة حلوة أنت تعبت وتستاهل بس راعى ظروف الشباب الغلبان اللى بيحبك أنهم يا عينى ظروفهم مش مساعداهم أنهم حتى يتجوزوا بسبب ظروف البلد.. خليك دايما واحد منهم حتة منهم زى ما هم شايفينك دايما... ويا سيدى دارى على شمعتك تقيد.. فى ناس بتحقد كتير وعينها وحشة والناس التانية غلابة ونفسهم فى لقمة عيش حاف خاف على مشاعرهم شوية أنا عارفة أنك تتمنى لكل الناس الخير وبتحب جمهورك ومش قصدك تجرحه بس الغلابة ما بيحسبوهاش كده.. خليك دايما عندهم أسطورة بفنك مش أسطورة بعربياتك.. أنت جدع وابن بلد وربنا هيديك من خيره أكتر وأكتر بس خلى بالك من الغلابة وظروفهم والشباب التعبانة اللى نفسها تفرح ومش عارفه...ربنا معاك".
