انتقد الشاعر الغنائى إسلام خليل أحدث تقاليع الشباب وهى رقصة كيكى، حيث قال خلال فيديو موجها حديثه للشباب الذين يقدمون هذه الرقصة فى شعر عامى:
"ارقص كيكى وارقصى كيكى علشان أهلك يفرحوا بيك وعشان أهلك يفرحوا بيكى، ارقصوا كيكى فرحوا بابا وماما وجدو افتحى بابا عربيتك يالا وخلى الناس كلها تتمتع وتشوف أحلى مفاتن فيكى، واطلعى من الكبت اللى مليكى ورى الناس اللى مش فاهمة انتى إزاى أبوكى مربيكى ليكى أسلوب فى الكيكى وهيبيه انتى مفيش اثنين زييكى.. موهوبة فى الوكسة وفى الخيبة والمستقبل مستنيكى".
"وانت كمان يالا ارقص كيكى واللى يعرضك قول أنا حر مفيش فى الشارع حد شريكى ولا تحترم حد ولا تخاف متوسعش لحد معدى ولا النجدة ولا إسعاف، ارقص كيكى تنول إعجابها وافرح بشبابك وشبابها فى ناس كده قدك رجاله بس وحوش واقفين على الجبهة فيهم اللى استشهد عشانك واللى اتصاب عشان يحميكى، ارقصوا كيكى واعملوا خمسات واضربوا فى كلاكسات وأملوا الشارع عربيات عايز كل ما أعدى فى حته ألاقيكوا بترقصوا كيكى".
