غردت ملكة جمال مصر 2016 أيسل خالد عبر صفحتها على "الإنستجرام" بمناسبة مرور عامين على حصولها على لقب ملكة جمال مصر، وقالت: "زى امبارح من سنتين كان اليوم اللى قدمت، وزى النهاردة كانت النتيجة أعلنت إنى ملكة جمال مصر فى مسابقة اتقبلت فى النهائيات، وكانت الصور إلى نزلتلى أنا والبنات التانية شكلنا فيها مش حلو بسبب الإضاءة وكانت متصورة على غفلة، وناس كتير شتمتنا وناس كتير انتقدت واحبطوا فينا...وانهاردة بس حسيت بقيمة كلام الناس اللى كانت بتشجعنى وإنى أكمل للآخر ودلوقتى أنا بقيت إيه.. مثلت مصر فى مسابقات دولية ورفعت علم مصر فى أكثر من دولة وحصلت على ألقاب دولية".
كما قدمت نصيحة وقالت: "اوعى تسمع لحد بيحبطك، خليك واثق من نفسك وقدرتك وأحلامك اللى لازم تحققها مهما وقف قدامك كل الناس، لأن فى الآخر اللى كان بيحبطك هيبقى بيتمنى يعرفك أو يبقى فى يوم من الأيام صاحبك".
جدير بالذكر أن أيسل قامت بتمثيل مصر على مدار العامين الماضيين فى العديد من المسابقات الدولية، وتمكنت من الحصول على عدة ألقاب من بينها أفضل وجه طبيعى، والأكثر شعبية، وهى لا تزال طالبة فى الجامعة البريطانية.
