شاركت المذيعة سالي عبد السلام جمهورها بصور عديدة لها عبر حسابها على موقع تبادل الصور إنستجرام من الأراضي المقدسة التي تتواجد بها هذه الأيام برفقة أسرتها لتأدية العمرة.
وبعد نشرها الصور واجهت العديد من الانتقادات التى ظهرت فيها وهى تؤدى العمرة بماكياج كامل، من جانبها كتبت سما المصرى تعليق قالت فيه "ياسوسو ماينفعش تحطي مانكير وانتي بتحجي ياقلبي عشان الصلاه حاطه على أطراف الصوابع مانيكير أبيض شيليه ياقلبي عشان انتي عسل وسكر"، وهو الأمر الذى دفع سالى للرد قائلة: إنها تؤدى العمرة بدون ماكياج.
وبعد ذلك ردت سما قائلة: خلاص ياسوسو مصدقينك والله ياقمر والله ماباعرفش اني في ضوافر نضيفه كده لوحدها خلقت ربنا، فلاحه متعوده علي الجلخ ماتزعليش حقكك عليا يامزه وكفايه أنك عند الرسول ربنا يتقبل منك ياروحي وترجعي مصر بألف سلامه وتنوري بيتك انتي ومامي وبابي واخواتك، مامتك دي حته سكره خليها تدعيلي بأه، قولي لها ادعي للشيخه سما برنامج ديني بأه ياسوسو وكده بالذمه دي شكل خلقه تقدم برنامج ديني؟؟ارفع عيني ف عين الناس.
ثم ردت سالى فى بوست على منتقديها قائلة: يارب صورة أقرب لكل اللى عنده فراغ و ربنا مش شاغله بنفسه رجالة قبل الستات باللى بيقولوا حاطة مانيكير وحاطة ميك اب وروج :) انتوا بجد؟؟ ده سؤال بجد؟؟ استفسار وهرد عليه بجد؟؟! هل فى حد طبيعى هيعمل كدة انا هحترمكم لحد ما ارجع حتى لو انتوا مش محترمين حبايبى بس انا حرة البس اللى يعجبنى واعمل اللى يعجبنى ..لما تتحاسب عليا او تاخد ذنبى ابقى انطق اقطع عنى المصروف، ركز مع نفسك احسن ..ربنا يشغلك بنفسك ويبعد عنا امثالكوا بس اختبار من ربنا جهاد النفس.
