فى كل مهرجان أو حدث مهم بنكون كلنا مستنين إطلالات المشاهير على الـ red carpet ومن أهمها وأشهرها مهرجان فينسيا وبصراحة إطلالات النجوم فى معظمها السنادى كانت مخيبة للآمال.
هانبتدى بالإطلالة الكارثية لـ claire foy بفستان من فالنتينو الفستان الوانه مش مناسبه ابدا لل red carpet ده بالإضافه للتصميم السخيف اللى مضيع تفاصيل جسمها والكاب الاحمر الغريب اللى ومطلعها وكانها جايه من فيلم star wars والاطلاله تستاهل ٢ على ١٠ بتسريحه جدتى والميكب الباهت ده
نيجى بقى بعدها لإطلالة أوليفيا هاملتون اللى لبست فستان من j mendel الفستان كان على العارضه احلى كتير من اوليفيا لا لون الفستان ولا قصته مناسبين لجسمها ولا لون بشرتها بالاضافه انها غيرت لون الحزام عن الموديل الاساسى مما زاد الموضوع سوء ومكان خط الوسط مضيع جسمها تماما وكمان كول الفستان قديم ومكبرها فى السن وزود الاحساس تسريحه شعرها كان اداها شكل شبابى اكتر لو كان bony tail الميكاب معقول
أما الممثلة الإيطالية كارولينا كيرستى بصراحه أو ما شفتها حسيت ان التراب طالع على وشى من كتر ما الموديل قدييييييم وتسعيناتى الفستان اللى من جوتشى بشكل تطريزه بقصته بالمكياج الكارثى اللى مصغر عيونها وتسريحه شعرها اللى كانها عملاها لنفسها
حبيت فستان ناعومى واتس من مجموعة الخريف لجورج ارمنى الفستان لونه فريش وموديله مليان حيويه وحركه تسريحه شعرها ومكياجها ولا غلطه يمكن بس الحاجه اللى معجبتنيش فى الاطلاله هيه ال clutch يمكن لو كانت بلون تانى كانت طلعت انعم وبصراحه من احلى اطلالات المهرجان .
شارلوت موس اختارت تلبس فستان باللون ال pink الفستان كله معمول من التل بس باين كانه cheapie شويه واعتقد انها لو كانت لبست عقد بسيط كان ادى الاطلاله شكل اقيم شويه وكمان شعرها طالع بشكل مبهدل شويه وده كمان قلل من قيمن الاطلاله بس اوكى
أما شارلوت لوبون مش عارفه ايه اللى هيه لابساه ده بصراحه يعنى معقول ما حدش شافها وقالها انه ده مش لبس red carpet حاسه كانها جابت ستاره وعملتها بيجاما وراحت بيها عالمهرجان بالنسبه للشعر والميكاب فهمه الحاجه الحلوه فى الموضوع صحيح ممكن نلبس boish style بس ما نروحش بيه على مهرجانات
الـ look الاخير اللى هانعلق عليها النهارده هوه ازابيل جولارت اللى ظهرت بفستان ميتالك من البيرتا فيرتتى الفستان مكرر جدا وتقريبا مفيش حد الا لما لبس الموديل ده غير كدا الفستان مظبوط ابدا على ازابيل وخط الوسط نازل اوى لتحت بشكل كبير والمسافه فى الجزء العلوى للفستان طالعه كبيره اوى اما الشعر والمكياج والمجوهرات فا حلوين اوى.
