"الناس كلها حلمها تسافر بره مصر وما يعرفوش أن مصر مليانة حاجات مش موجودة فى أى حته فى العالم"، بهذا بدأ محمد شوقى الرحالة الذى يعشق السفر لكل مكان فى مصر حتى أسس شركة هدفها الوحيد هو تشجيع السياحة الداخلية بتعريف شعب مصر على معالم مصر الذى لا يعرفها أحد حينما قال: من 4 سنين بلف مصر كلها ولسه ما خلصتش، وبنصح أى حد يا جماعة قبل ما تسافروا بره مصر شوفوا جوه الأول لأن مصر مفيهاش نيل وأهرامات بس، مصر فيها دلافين مثلاً بيصل عددها لـ أكتر من 5000 دولفين وده عدد مش موجود فى أى دولة فى العالم، وللأسف المصريين ما يعرفوش كده.
ثم استكمل بأن فى منطقتين فى مصر بإسم صمداى وسطايح فى محمية اسمها وادى الجمال فى مرسى علم ممكن تشوف فيهم 400 دولفين مع بعض فى رحلات الأمر اللى مش موجود فى اى حته فى العالم، وبالتالى على المصريين الإستمتاع زى ما انا بستمتع.
شوقى استكمل بأنه قبل أربع سنوات كان يعمل جارسون فى مطعم قبل أن يحول هواية السفر إلى مهنة بقوله : للأسف خلفية الناس فى مصر ان المتعة هنا مكلفة جداً وبفلوس كتير، لكن ما يعرفوش انك ممكن تنزل فى أفخم الأماكن فى كامبات الليلة فيها بـ 20 جنيه بس، مش لازم نروح فنادق خمس نجوم".
فى النهاية أكد محمد على ان مثلاً فى مصر مكان اسمه ابو جالوم الكهربا بتقطع فيه الساعة 10 بتقعد فيه تشوف مليار نجمة فى السما، وهناك مفيش شبكة نهائى الأمر اللى يخليك تتمتع بطاقة إيجابية مش هتلاقيها فى أى حته فى العالم.
شوقى فى مصر1
صور فى مصر
صور مصر
مصر
مصر3
مصر4
شوقى فى مصر