ردت الإعلامية ريهام سعيد، مقدمة برنامج صبايا" على قناة الحياة، على تصريحات محمد رشاد والتى نشرها على حساباته بمواقع السوشيال ميديا وقالت فى بيان صحفى: "الاستاذ محمد رشاد هو انت بتعلق على الحلقه على السمع؟ يعنى ماتفرجتش غير على مقاطع الفيديوهات صح؟ اتفرج على الحلقه كامله ولا حد جاب سيرتك ولا قال انك اتخليت عنها.
تابعت "احنا بنقول ان اى بنت بيتلغى فرحها بتزعل وده بيبقى خير للطرفين ركز فى خطيبتك إلى فى المستشفى وعلى فكره احنا طول الحلقه بنتمنى لكم التوفيق، مضيفة:"عمرى ما تناولت موضوع غير وهو مطروح من قبلى حضرتك كنت ترند قبل حلقتى. ماتاخدش ريهام سعيد كبش فدا وركز فى مشاكلك.
أشار ريهام: "الصحافه بتتكلم لمدة 3 أيام ومقررتش ترد غير عليه مع انى الوحيده إلى ماتكلمتش على سبب الانفصال لأنه خاص بيك، واستكملت: "مفيش حاجه اسمها حياه شخصيه الشخصيه عامه وهى دى الضريبه وبالرغم من أن كنا على علم بالموضوع يوم الاحد لم نذيع حرف يوم الاحد لحد ما الصحافه كلها اتكلمت ومى دخلت المستشفي".
واستطردت حديثها قائلة "حضرتك قمت بتأليف سيناريو ان انا قلت انك اتخليت عنها ممكن يكون احساسك لكن مجاش حاجه شبه كده على لسانى...انا قلت بتمنى أنكوا تتصالحوا ولو محصلش يبقى خير فيكوا انتوا الاتنين، انا قلت انى بتكلم عنها مش عنك لان البنت دايما يتتاثر بإلغاء الفرح اكتر من الراجل".
وتابعت ريهام سعيد: "استاذ محمد رشاد الخمس دقايق إلى فى "صبايا" إلى بتمنى فيهم الشفاء لزميلة وبواسيها مايجوش حاجه جنب الاخبار إلى على المواقع.ماتاخدش ريهام سعيد كبش فدا وركز فى مرض خطيبتك وإلغاء زواجك إلى هما اهم بكتير، وأنا تحدثت عن نفسى وعن بكائى فى أول زواج لى وتحدثت عن موضوع الزواج عموما وانا واثقه فى مصادرى".
وأكملت ريهام حديثها وقالت:" تم عرض تقرير فى إحدى البرامج عن موضوع زواجك ولكن لماذا لم تتحدث عنه هل لأن التقرير أنصفك وأظهر انك انت من على حق، وأخيرا زى ما قلت فى الحلقه إلى انت ماشفتهاش بتمنى لكم كل التوفيق".