يتزامن اليوم مع ذكرى ميلاد الراحل أحمد زكى الـ69، والذى رحل عن عالمنا منذ عام 2005، ورغم ذلك تعيش أدواره إلى الآن بعدما قدمها ببراعة كبيرة ويتذكر الجميع جمله الشهيرة، التى تصلح لكل زمان فى أفلامه من "اضحك الصورة تطلع حلوة" إلى الهروب والبيضة والحجر وغيرها من أفلامه، التى لو ربما طرحت فى زمان وسائل التواصل الاجتماعى لغزت فيسبوك وتويتر، وبهذا التقرير نسلط الضوء على أبرز تلك الجملة لنتذكر النجم الكبير ونرى عمق ما كان يقدمه من أعمال يلخص مضمونها بتلك الجمل.
-الحجات بتيجى لما نبطل ندور عليها، المشكلة بقى هل لما هتيجى هتكون لسه جوانا بنفس الشغف؟
-الذكريات اختلطت معها الأحلام مع الأوهام مع الحقائق
-كلنا فاسدون لا استثنى أحد
-الإيحاء هو تثبيت فكرة معينة فى الذهن
-الحب هو أن أبقى مش شايف حد غيرك قدامى
-كلهم كدابين وكلهم عارفين أنهم كدابين وكلهم عارفين أننا عارفين أنهم كدبين
-إحنا إلى فهمنا يا سبع الليل
-الحب وأنا هعمل فى ده إيه ياما، ده لا بيتمنع ولا بيتحاش ومليش حيلة معاه لا أنا ولا غيرى
-كلمة أنا بحبك عقد، اللمسة عقد، النظرة عقد، الوعد بالجواز دا أكبر عقد
-مفيش حد بيهمه غير نفسه بس إحنا العشم واخدنا شويتين ومفيش فرحة ببلاش.. كل فرحة وليها ثمن
-شوية جنان عشان نعرف نعيش
-حب إيه يا عطية اللى جاى تقول عليه
-لا يمكن يكون ابن عمى وهدان من أعداء الوطن
-البيت ها يتطربق فوق دماغ أهالينا يا أبو السلاطين
- أحارب الغلاء.. بالاستغناء
-إن مقدرتش تضحك متدمعش
-لا يا أما إحنا مش صغيرين، إحنا كبار قوى بس مش عارفين نشوف نفسنا
-دول لازم يتحاكموا بتهمة الغباء السياسى
-وتدريجيا اكتشفت أننى أحن إلى حياتى فى أرض الخوف بلا قدرة على العودة إليها
-مسيرها تروق وتحلى