لأن النوم يشكل حوالى ثلث الوقت الذى يعيشه أى إنسان فى الدنيا، فإن الاستمتاع بنوم جيد يعد من أولويات أى شخص.
ولذلك أملاً فى مساعدتكم بالحصول على نوم هانئ حاولنا التعرض لأكثر 6 معوقات قد تعوق هذا الأمر عبر تلك الصور لنحاول حل تلك المشكلات.
لو كنت بتعانى من مشاكل قبل النوم ومش عارف تنام عليك بالامتناع عن الشاى والقهوة لمدة 7 ساعات على الأقل قبل النوم بجانب الموبايل، ولو بتفكر تعمل حاجة اقرأ كتاب ولازم كل يوم الصبح تلعب رياضة.
كتير مننا بيعانوا من آلام فى الرقبة، المخدة تعد جزءا رئيسيا فى علاج الموضوع ده، وده من خلال استخدام مخدة مطاطية مصنوعة من اللاتيكس بجانب تغيير المخدة كل سنتين.
كتير مننا بيواجهوا صعوبة فى الاستيقاظ مبكراً علشان العمل، ولكن الحل البسيط هو انك تتعود على الاستيقاظ فى نفس الميعاد أسبوعين بس بعدها مش هتحتاج حد يصحيك.
لو بتصحى وتقلق كتير بالليل ما تشربش كحوليات قبل النوم، وتأكد أن درجة حرارة الغرفة من 20 لـ22 درجة مئوية.
لو ضهرك فى مشكلة فى حل بسيط بيتمثل فى وضع مخدة تحت معدتك، والموضوع ده هيأثر بشكل كبير على معالجتك لضهرك.