عيد الحب.. يوم ينشرح فيه قلبك لينبض بالحب لمن معك ومن حولك، ويكون يوما يعبر فيه الناس عن المشاعر الصادقة بينهم وبين من يحبون والفنانون فى مقدمة هؤلاء، واختصوا "عين" بعرض مشاعرهم الصادقة.
وقال الفنان اللبنانى وليد توفيق: "أحبائى كل سنة وانتوا طيبين، وكل عيد حب وانتوا فى حب وسعادة"، بينما قال الفنان أحمد فهمى: "عاوز أهنئ بعيد الحب، كل الناس اللى بيحبونى وبحبهم، والدتى، ولادى، زوجتى، إخواتى.. وكل المعجبين اللى بيدعمونى عشان أكون أحسن".
فيما قالت الفنانة نرمين ماهر: " كل سنة وكل الناس طيبين وعاوز أخص جوزى وأقوله كل سنة وأنت الحب وكل سنه واحنا مع بعضنا"، وقال المطرب محمد نور: "حبيبتى هبه، كل سنة وانت طيبة وسنة سعيدة عليكى".
وقال المطرب كريم محسن: "يا رب كل الناس تفضل تحب بعض ديما.. وبقول لمراتى حببتى ربنا يخليكى ليا ويخلينا لبعض"، فيما قال الممثل تامر شلتوت: "عيد حب سعيد علينا جميعا.. بس بحب اقول للناس اللى بتحتفل بعيد الحب بلاش نحتفل وحدينا.. يعنى نشارك الاخرين اللى كان فى قصة حب وفشل واللى محبش بلاش نحتفل وحدينا.. وكل سنه وانتوا طيبين ".