صرح الشاعر إسلام خليل لـ"عين" بأن حقوق الإنسان ليست مختصرة فقط فى السياسة والتظاهر فقط بل أن يكون الإنسان آمنا فى بلده ويجد أكل وملبس له ده حق من الحقوق، وأن الأغنية الجديدة التى طرحها مؤخراً بصوت المطرب شعبان عبد الرحيم، تناقش أهم حقوق الإنسان فى عيشه كريمة ينعم بها فى بلده.
وأضاف إسلام خليل، أنه يعمل حالياً على التحضير لأغنية جديدة عن التعديلات الدستورية يغنيها شعبان عبدالرحيم، لافتا أنه الأنسب للأغانى الوطنية والتى ترتبط بالأحداث.
وتقول كلمات أغنية "يا حقوق الإنسان"
"يا حقوق الإنسان يا حقوق الإنسان
هنا وفى كل مكان
من حق الإنسان
أنه يعيش فى أمان
ومن حقه يلاقى علاجه
ويلاقى سكن يؤويه
ويلاقى اللى بيحتاجه
هدمه ولقمه تأويه
يا بتوع أمريكا وأوروبا
يا بتوع صواريخ الناتو
ناس حقهم يعيشوا بس بصواريخكم
ماتوا بس بمدافعكم ماتوا.
يا حقوق الإنسان يا منبع الأخلاق
حق الإنسان راح فين فى سوريا والعراق
حق الإنسان راح فين فى ليبيا واليمن والعراق
صعبان عليكم أوى نشطاء التمويلات
مش الطفل اللى اتيتم ولا الجندى اللى مات
متجوش تعلمونا معنى حقوق الإنسان
فين حق الطفل السورى
واللى الواد اللى مات غرقان.
حق الإنسان عندنا معروف وجزاءه مناسب
أن المظلوم ننصفه وأن الغلطان يتحاسب
من حق الناس كلها ببساطه يعيشوا دنيتهم
مش حد يفجر نفسه فى الشارع ويموتهم
حق الشهيد وأهله هيرجع مهما يكون
وقضائنا قضاء محترم وبيحكم بالقانون
وقناة الجزيرة الخاينة والشرق و bbc
ملهمش غير سيرتنا موضوع يكلموا فيه
مالكم يبتوع أوروبا مالكم منينا
لكل وطن عادته وكل بلد تقاليد بس خلاص.