اعتذرت ماجدة عبد الحليم، والدة الفنانة الراحلة غنوة، أخت المطربة أنغام، لبعض الإساءات التى وجهت إلى أنغام من جدة أخيها أحمد، والتى تدعى "سميرة"، حيث أشارت إلى أن هذه السيدة قد بثت فيديو إساءت فيه إلى أنغام، كما عبرت عن استيائها من الهجوم التى تتعرض له أنغام بسبب زواجها من الموزع الموسيقى أحمد إبراهيم، مؤكده أن هذا الأمر شخصى ولا دخل لأحد به.
وقالت والدة الفنانة الراحلة غنوة، فى مقطع فيديو ودموعها تنهمر على ابنتها، "أنا ماجدة عبد الحليم والدة المرحومة غنوة أخت أنغام.. ردًا على كلام (سته) – أى جدة أحمد أخو أنغام - فى الفيديو اللى صورته بخصوص أنغام.. أولًا كل اتنين إخوات بيحصل بينهم خلاف.. كل الدنيا بينها خلافات وبنتى اتوفت وراحت لحالها الحمد لله ربنا يرحمها ويغفرلها"، مضيفة "أنا عندى ياسين ابن غنوة وأحمد أخو أنغام.. ومن ساعة ما اتوفت غنوة، وأنغام هى اللى بتقضيلهم كل طلباتهم بما يرضى الله.. وتانى حاجة أنا لما اتجوزت أبو أنغام أم أنغام كانت على ذمته ولازالت على ذمته وعمرها ما اتطلقت".
وأضافت: "تانى حاجة، أحمد عنده 26 سنة.. سميرة اللى بتعمل (سته) متعرفش عننا حاجة.. والمفروض عشان صلة الرحم قبل ما تنزل حاجة زى كده تسأل يا جماعة ينفع انزل ولا منزلش.. متخوضش فى كلام مينفعش تخوض فيه.. أولًا أنغام اتجوزت متجوزتش دى حاجة تخصها الجواز ده حاجة شخصية.. تتجوز مين متتجوزش مين ميخصش أى حد".
وفى حديثها عن سميرة – جدة أحمد أخو أنغام – قالت: "كون إنها تتكلم وتعمل فلورز لنفسها وتعلى شغلها على يوتيوب دى حاجة بتاعتها، لكن الكلام اللى قالته سميرة ده (سته) دا كتير وبتعلى الفلورز بتاعها عشان تاخد فلوس وفلوسها تزيد مش على حساب الناس".
وأضافت: "أنا بعتذر لأنغام ولأم أنغام وبعتذر لابن غنوة وبعتذر لأحمد ابنى وبعتذر لكل الناس اللى سته اتكلمت عليهم من غير وجه حق وبعتذر لأنغام بالأخص لأن أنغام اسمها أنغام محمد على سليمان، وبنتى الله يرحمها اسمها غنوة محمد على سليمان، وبنتى راحت ومش عايزه أى حد يجيب سيرة بنتى ولا سيرة أنغام تانى فى حاجة متخصش أى حد غير أحمد".