أشادت الفنانة زينة، بصديقتها النجمة مى عز الدين فى مسلسلها الجديد "البرنسيسة بيسة" الذى يتم عرضه فى شهر رمضان الجارى بشكل حصرى على قناة الحياة.
ونشرت "زينة" عبر حسابها الرسمى على "إنستجرام" صورة لمى وكتبت عليها قائلة: "نجمة من أول ما بدأتي، ومسلسلاتك طلعت نجوم دلوقتى بيشتغلوا لوحدهم سواء رجالة أو ستات، مش عارفة أبدأ من السينما فى أيظن ولا سلسلة عمر وسلمى مع نجم كبير زى تامر حسني، اللى كسر الدنيا لدرجة إن كل الناس بقت تسمى ولادها عمر وسلمى".
وتابعت: "ولا أبدأ من مسلسلاتك الشك ولا دلع بنات ولا حالة عشق اللى عمل نقلة فى مشوارك وفى الدراما، كل خطواتك وراءها مجهود وتعب وحب لجمهورك اللى بتموتى نفسك علشان ترضيه، واللى بيحبك ومنهم رقم بسيط على حسابك ٧٠٠٠٠٠٠ مليون ده رقم قليل من محبينك فى الوطن العربى كله، واللى بيقدروا مجهودك وتعبك، وعلى فكرة بحب البرنسيسة بيسة وسكسكة وبحبك وكل الناس بتموت فيكى وأولهم السبعة مليون اللى عندك".
"البرنسيسة بيسة" يعرض الساعة 9 مساء على قناة الحياة، وهو تأليف فاروق هاشم ومصطفى عمر إخراج أكرم فريد وإنتاج شركة سينرجى، وبطولة مى عز الدين، بوسى، أمير المصرى، ونجم مسرح مصر محمد أنور، سليمان عيد، وايمان السيد، حجاج عبدالعظيم، وحسام داغر، وسامى مغاورى، وضياء الميرغنى.
بوست زينة
