تامر حسنى يكشف عن مفاجأة بحفل المنارة.. تعرف عليها

كشف النجم تامر حسنى، عن مفاجأة يعد لها فى حفله يوم 20 ديسمبر من الشهر الجارى فى المنارة، مع الفنان رامى جمال، وهو تحضيره توزيع جديد لأغنيته "دايب".

ورد تامر حسنى على رسالة رامى جمال، قائلا: "يا رامى إنت تستاهل كل حاجة جميلة وعادى إنى أفكر كده، لأنك فنان حقيقى وليك تقديرك اللى هو كدا ونص".

وتابع: "أنا بحضر توزيع جديد لأغنية (دايب) اللى هى لحنك، ولازم نغنيها مع بعض، مفاجأة للجمهور متقولش لحد خالص، عايزينها مفاجأة للناس فى الحفلة".

وكان الفنان رامى جمال، وجه رسالة لتامر عبر حسابه على "تويتر"، قائلا "أولاً طبعًا خلينى أقول إنى أكيد بدعمك إنك تفضل تشرفنا فى أى حاجة مش بس فى چينيس، ثانيا فى تفصيله مهمة جدًا ميعملهاش غيرك هى حجم صورتى فى بوستر الحفلة اللى إنت طلبت إنه يتعمل قدك.. إنت إنسان سليم جدًا وتستاهل أكتر من اللى إنت فيه شكرًا".

رد تامر حسنى على رامى جمال