من باب الفضول
روحت للقمر.. وسألته
مش اللى يصبر ينول؟
وقول.. جايب منين جمالك؟
وليه تعمل ما بدالك؟
وسألته.. أيه العمل؟
قال لى..
مين كان له نص جمالى
فى الخلق بيظلم ويحكم
ومين كان جماله جمالى
بيضله فوق فى السما
ويفوت الناس تحبه
إن شالله من غير أمل
قلت.. يادى العذاب
من قبلى حرم وتاب
يقولى أيه العمل؟
قمرى ماهوش كداب
وأغمض عينى وأفتح
ألقاه قصاد الباب
وفى ضيه أقول وأتغزل
يحمر خده خجل
من باب الفضول
روحت للقمر.. وسألته
مش اللى يصبر ينول؟
وقول.. جايب منين جمالك؟
وليه تعمل ما بدالك؟
وسألته.. أيه العمل؟
حن يا قمرى علىَّ؟
من يوم ما عشقت ضيك
وأنا مادد لك أيديا
و أحكم والحكم نافذ
إن كان فى فلكك أدور
ولا أبدل قلبى
بقلب فارس جسور
ولا أوهب ما أملك
للى قبلى سأل
أو حب من غير أمل