في ذكرى وفاته .. شاهد إسماعيل ياسين الذى قدم إبليس فى عملين

تحل اليوم ذكرى وفاة الفنان الراحل إسماعيل يس الذي يعتبر من أهم صانعي البسمة في ذاكرة الفن المصري، والذي اشتهر أيضا بتعدد مواهبه بين التمثيل والغناء والتقليد.

في البدايه كان إسماعيل يس يريد أن يصبح مطربا مشهورا فقط ولم يكن في باله أنه سيصبح ملكا متوجا على عرش الكوميديا بخلاف أنه أيضا حقق حلمه وقام بغناء مجموعة كبيرة من الأغنيات والمونولوجات الشهيرة التي نسمعها حتى اليوم، لكن ما هي علاقة إسماعيل يس بإبليس اللعين؟، وهو ما سنعرفه فى النقاط التالية.

قام إسماعيل يس بتقديم أغنيتين ذكر خلالهما إبليس في صورتين مختلفتين للغايه ففي أغنيته الأولى التي حملت عنوان "يا اخوانا العنوا إبليس" طلب من الجمهور أن يلعنوا إبليس ونسب له كل ما يحدث للإنسان من فتن ووصفه بالمحرض على الجرائم.

أغنية "يا أخوانا إلعنوا إبليس" غناء إسماعيل يس، كلمات بيرم التونسي، وألحان عزت الجاهلي.

وبعد ذلك اختلفت كلمات الأغنية الثانية للفنان إسماعيل ياسين التى ذكر فيها إبليس للمرة الثانية التي كان عنوانها " إبليس أيه ذنبه يا عالم" لكن في هذه المرة كان يدافع عنه وبشدة ويلقي اللوم على البشر وعدم اهتمامهم بدراسة الأمور قبل الإقدام عليها حيث جائت كلمات الأغنية كالتالي:

" ابليس اية ذنبة يا عالم تاهمينة بقالنا زمان قال اية يعنى البنى ادم هو اللى مش غلطان

دة عريس الغفلة والباب بلا قفلة شاف منظر مغرى راح شابك دوغرى ماستناش لليوم التانى وتجوزها على العميانى اتاريهم عيلة فاشوش من ماركة حلق حوش فات كام يوم ويلاقى حماتة جايالة بشبشب زحافى ونسايبة يزوروة ويباتوا انضف واحد فيهم حافى لو يتخلق ديكها تشلق قصرة البيت بقى فرع لومان بس يا فندم عنها وطلق وبقى يقول يجازيك يا شيطان بالذمة ابليس مالة ؟ كان هو اللى خطبهالة ؟ معقول ولا انا غلطان

ابليس يا ذنبة يا عالم تاهمينة بقالنا زمان قال اية يعنى البنى ادم هو اللى مش غلطان

والافندى العايق كان نازل فايق ومكانش عندة فكرة ان هناك سكرة لية اصحاب شلة نمرجية على كيفك ماركة خمورجية وشافوة قاعد على القهوة قاموا طبوا علية على سهوا يلا بينا على خمارة وصاحبنا اتشارك وياهم بقى ملك والكل سكارى وفى الاخر ناس شبكوا معاهم واخبط وارقع بقة وطرم تانة وقال يجازيك يا شيطان

شكلة اتشلفط وشة اتلخبط عينة بقت حاجة جنان بالذمة ابليس مالة ؟ كان هو اللى سقهالة ؟ معقول ولا انا غلطان

ابليس اية ذنبة يا عالم تاهمينة بقالنا زمان قال اية يعنى البنى ادم هو اللى مش غلطان

وكتير من النوع دة مهاوييس البعدا لو طبوا فى ورطة او غلطم غلطة من غير كانى ومن غير مانى دوغرى يقولوا دى وزة شيطانى وتملى فى اى خازوق ابليس يطلع محقوق

كل ما تحصل اى حكاية كل ما شوكة تشك الناس اى خناقة واى جناية فيها الوسواس الخناس ابليس لما تملى نزقة

يبقى امال فين الانسان ؟ اللى ما بسمع حد يحقة ومفيش غير يجازيك يا شيطان

بالذمة ابليس مالة لو كنا نسيبة فى حالة نعـــــقــــل ونعيش فى امان

ابليس اية ذنية يا عالم تاهمينة بقالنا زمان قال اية يعنى البنى ادم هو اللى مش غلطان".