قال النجم محمد هنيدى، إن طريق كفاحه فى التمثيل بدأ من خلال مشهد مع فؤاد المهندس، وكان عبارة عن مشهد واقف فيه وفرعون هيعدى من قدامى فأقول له: "عاش الفرعون العظيم بس، وده لأنى كنت بوافق على أى مشهد، بس المهم يكون قدام مين ومين المخرج زى أستاذ يوسف شاهين أو عاطف الطيب؛ لأنه هايكون أفضل من بطولة فيلم لا يترك أثرًا.
وأضاف خلال لقائه فى برنامج "كلمة أخيرة" للإعلامية لميس الحديدى، المذاع على قناة ON: "وأنا صغير كنت بلعب كرة قدم وكنت فاكر إنى هاكون لاعب كرة جامد وروحت مدرسة فى الزمالك وكنت بلعب خط وسط".
وتابع هنيدى خلال حديثه: "أنا زملكاوى من زمان من قبل ما أتجوز ولكن زوجتى أهلاوية، وبالنسبة ليا اللى عاوز يشجع الزمالك هينبسط، وأنا بحترم اللى يشجع الأهلى، ولكن بجد أنا بحب الكرة جدا، وبحب نادى الزمالك ولكن مش متعصب واللى بيلعب صح بسقف له".
يذكر أن برنامج "كلمة أخيرة" تقديم الإعلامية لميس الحديدى، ويذاع من السبت إلى الثلاثاء فى تمام التاسعة على شاشة "ON".