هنيدى: بحب السينما أكتر من التليفزيون وولادى بيقلدونى على التيك توك

قال النجم محمد هنيدى: "بحب السينما أكتر من التليفزيون؛ لأن عنصر الوقت فى التنفيذ أقل، والمسلسل بياخد 6 شهور، بجانب أن السينما لها متعة خاصة، ولكن بين الوقت والآخر لازم الواحد بيشتاق أن يطل على الناس فى البيوت.

وأضاف خلال لقائه فى برنامج "كلمة أخيرة" تقديم الإعلامية لميس الحديدى، المذاع على قناة ON: أنا خلصت تصوير فيلم "النمس والإنس"، وشريف عرفة مدرسة كبيرة، وشغله عبارة عن منظومة، كل حاجة بتحصل فى وقتها، وكل واحد واخد باله من شغله بجانب أنه شاطر جدا، ولسه متحددش وقت للنزول، ولكن إن شاء الله يكون فى إجازة نصف العام.

وعن وقت الحظر من انتشار فيروس كورونا قال: أكيد الكورونا بتخوف وكنا فى الأول مانعين الخروج بالأخص فى أول شهرين وكنا واخدين كل الاحتياطات، وكانت اللمة حلوة فى أول 10 أيام ومبسوطين، وبعد كده بقى ابتدع كل واحد فى غرفته، لغاية ما ربنا وسعها ونزلنا بقى وسبناها على الله".

وتابع: ولادى بيقلدونى فى التيك توك لكن مش بينزلوها، وأكتر حاجة عجبتنى منهم كانت لما عملوا مشهد خالتى نعيمة وحاجات فى وش إجرام، ولقيتهم إلى حد ما دمهم خفيف.

يذكر أن برنامج " كلمة أخيرة " تقديم الإعلامية لميس الحديدى، ويذاع من السبت إلى الثلاثاء فى تمام التاسعة على شاشة "ON".