قالت الفنانة إلهام شاهين، لما اتعرض فيلم "دانتيلا" فى شيكاغو حضرت ندوته، وبقيت فخورة بيه وبإيناس الدغيدى، ووقف شخص أمريكانى متحمس بيقولها فيلمك ممكن يدخلنى الإسلام عشان شاف الجواز والطلاق سهل مش زى عندهم.
وأضافت خلال ندوة تكريم المخرجة إيناس الدغيدى بمهرجان الإسكندرية السينمائى لدول البحر المتوسط، فخورة بأنى اشتغلت مع إيناس الدغيدى، وأتمنى نعمل أفلام وموضوعات جديدة، وندافع عن المرأة من تانى، ولازم تكملى طريقك اللى بدأتيه.
وتابعت: أنا عاوزة أحيى مهرجان الإسكندرية عشان كرم إيناس الدغيدى؛ لأنه تكريم للفكر التنويرى اللى مفتقدينه، وقدمت القضايا اللى الكل بيخاف إنه يقدمها، وبيكونوا مقتنعين بالقضايا التى قدمتها إيناس، ولكنهم لا يملكون الجرأة؛ لأن المجتمع ها يهاجمه ويقوله عيب وحرام.
وحضر ندوة تكريم المخرجة إيناس الدغيدى بمهرجان الإسكندرية السينمائى لدول البحر الأبيض المتوسط، الناقد الأمير أباظة رئيس المهرجان، الفنان عزت العلايلى، الفنانة إلهام شاهين، المخرج عمر عبد العزيز، خالد عبد الجليل مستشار وزيرة الثقافة، أدار الندوة الأمير أباظة.